«اباي اتىنداعى قازاق مەملەكەتتىك اكادەميالىق وپەرا جانە بالەت تەاترىندا بۇكىلوداقتىق لەنينشىل كوممۋنيستىك جاستار وداعىنىڭ 100 جىلدىعىنا وراي مەرەكەلىك كونتسەرت ءوتتى. ۇلكەن ساحنانىڭ ءدال تورىندە كۇن كوسەم – لەنيننىڭ بەينەسى تۇر. ال ەگەمەن ەلدىڭ اسكەرلەرى قولىنا كومسومولدىڭ تۋىن كوتەرىپ تۇر.

سوندا ءبىزدىڭ ساربازدارىمىز قاي ەلدىڭ تۋىن قورعاۋى كەرەك؟ تاۋەلسىز قازاقستاننىڭ با، الدە كەڭەس وداعىنىڭ با؟! ايتا كەتەرلىگى، اتالعان جيىنعا قازاقستان كوممۋنيستتىك حالىق پارتياسى ورتالىق كوميتەتىنىڭ حاتشىسى، ءماجىلىس دەپۋتاتى جامبىل احمەتوۆ، قازاقستاننىڭ رەسەيدەگى ەلشىسى يمانعالي تاسماعامبەتوۆ، دەپۋتاتتار قۋانىش سۇلتانوۆ پەن سەرىك سەيدۋمانوۆ، سەناتورلار باقىتجان جۇماعۇلوۆ، بىرعانىم ءايتىموۆا قاتىستى»(www.abai.kz  قۋانىش قاپپاس، 22.10.2018ج).

كەشە قىزىل يمپەريا تۇسىندا 4,5 ميللين قازاقتى قىرىپ تاستاعان قانىشەرلەردىڭ بۇگىنگى ۇرپاقتارى نەمەسە ىزدەرىن جالعاستىرۋشى: ج. احمەتوۆ، ي. تاسماعامبەتوۆ، ق. سۇلتانوۆ، س. سەيدۋمانوۆ، ب. ءايتىموۆا. ب. جۇماعۇلوۆتاردىڭ تاۋەلسىزدىكتىڭ التىن بەسىگى الماتىدا ايدى اسپانعا شىعارىپ، ەسىرگەندەرىن قالاي تۇسىنۋگە بولادى. سوندا بۇل «قۇدايلارعا» تاۋەلسىزدىكتىڭ قۇنى بەس تيىن بولعانى ما؟

سوندا بۇل قازاق ەلىنىڭ تاۋەلسىزدىگىنە تۇكىردىك دەپ وتىرعانداي سۇمدىق مىنەز كورسەتكەن لەنينشىل قىزىل كومسومولدار كىمدى باسىنىپ وتىر؟

مەملەكەت تاۋەلسىزدىگىن قالىپتاستىرۋشى قر پرەزيدەنتى ن. نازارباەۆتى ما؟ الدە ول كىسى بۇلارعا «تويلاي بەرىڭدەر» دەگەن بە؟ كەشە ايگىلى جەلتوقساندا گ. كولبينگە اشىق جارامساقتانعان ءايتىموۆانى كىم بىلمەيدى. ماڭگىلىك دەپۋتات ق. سۇلتانوۆتىڭ قازاقستان كومسومولىن باسقارعانىن، ونىڭ تۇسىندا تالاي جەلتوقسانشىلاردىڭ قاتاڭ جازالانعانىن، ولار ۇمىتقانىمەن كوزى ءتىرى جەلتوقسان قاھارماندارى ءالى ۇمىتقان جوق.

قر پرەزيدەنتى ماڭىندا وسىنداي ەكى ءجۇزدى ساياساتكەرسىماقتار جۇرگەندە مەملەكەتتىك ءتىل، ۇلتتىق ءدىن، قازاقتىڭ اقۋالى ەشقاشان دا جاقسارمايدى دەگەن ءسوز. بۇلار كەز كەلگەن ۋاقىتتا قازاقستاننىڭ تاۋەلسىزدىگىن تارك ەتىپ، انا كوزىن الارتىپ وتىرعان رەسەيگە نەمەسە قىزىل قىتايعا باعىنا سالاتىنداي اسەر ەتەدى ەكەن.

ءيا، بۇل قىزىل كومسومولداردا  ۇلتتىق نامىستىڭ مۇلدەم جوق ەكەنىن بۇكىل قازاق ءوز كوزىمەن كورىپ، ولاردان تەرىس اينالعانى انىق.

مەن ىشىمنەن: «قۇداي بۇلار سياقتى ەكى جۇزدىلەردەن ۇلتىمىزدى، تاۋەلسىزدىگىمىز ساقتاي گور!»-دەپ سان قايتارى  تىلەك تىلەي بەردىم...

جۇماش كوكبورى

Abai.kz