سونىمەن، وپپوزيتسيا دەگەن نە نەمەسە كىم؟
قازاقشا ۋيكيپەديا ونى كوپشىلىكتىڭ پىكىرىنە قارسى شىعۋشىلار دەپ كورسەتىپتى. سونى جازعان ادامنىڭ دا ءبىر كوزدەگەنى بار شىعار. قالاي بولعاندا دا، نيەتى ءتۇزۋ بولماعانى انىق. كوممۋنيستىك پارتيانىڭ «دەموكراتيالىق تسەنتراليزم» رۋحىندا تاربيەلەنگەن ادام ءۇشىن كوپشىلىكتىڭ پىكىرىنە قارسى شىققان ادام بىردەن دۇشپانعا اينالادى. كەڭەس زامانىندا وندايلار تۇرمەگە قامالدى نەمەسە جىندىحاناعا جاتقىزىلدى...

ەندى، وپپوزيتسيا دەگەندى قازاقتىڭ جالپاق تىلىمەن، قازاقى ۇعىمعا بارىنشا جاقىنداتىپ تۇسىندىرۋگە تىرىسىپ كورەلىك...
ماسەلەن، ءسىز وتاعاسى نەمەسە وتاناسى رەتىندە ءۇي سالۋدى جوسپارلادىڭىز دەلىك!
ۇيدەگى ۇيەلمەندەرىڭىزدىڭ بارلىعى ورەلەرى جەتكەنىنشە ءوز پىكىرلەرى مەن كوزقاراستارىن ايتىپ جاتىر. ءبارىنىڭ كوزدەگەنى ءبىر ماقسات – ول بولاشاق ءۇيدىڭ ىرگەتاسى بەرىك، سىرتى كوركى كوز تارتارلىق اسەم، ءىشى جانعا جايلى بولۋى!
ايەلىڭىزدىڭ (ەرىڭىزدىڭ) نەمەسە كەيبىر ۇل-قىزدارىڭىزدىڭ پىكىرى ءسىزدىڭ، ياعني وتاعاسىنىڭ پىكىرىمەن ۇيلەسپەۋى مۇمكىن! اراسىندا ءتىپتى اقىلعا سىيمايتىن پىكىر دە ايتىلىپ قالۋى مۇمكىن...

مىنە، سونى وپپوزيتسيا دەيدى.
سوندا ول وتاعاسىنا (وتاناسىنا) جاۋ ما؟
سوتتايمىز با؟
ار جاعىن ءوزىڭىز ويلانا بەرىڭىز...

ءومىر شىنىبەكۇلىنىڭ facebook پاراقشاسىنان

Abai.kz