قازاقستان رەسپۋبليكاسى پارلامەنتى

ءماجىلىسىنىڭ دەپۋتاتتارىنا!

قازاقستان رەسپۋبليكاسىنىڭ 

پرەمەر – ءمينيسترى  ب.ساعىنتاەۆتىڭ،

قر ۇقك  باستىعى ك.ءماسيموۆتىڭ

نازارىنا!

قازاقستان رەسپۋبليكاسىنداعى زەينەتى قورلارىنداعى قارجىلار ۇستاعاننىڭ قولىندا، تىستەگەننىڭ اۋزىندا كەتىپ بارادى. ءبىزدىڭ ۇكىمەت قوردا 8,9 ترلن تەنگەدەن استام قارجى بار دەيدى. (اعىمداعى ۋاقىتتا - 372/$1), استانا. 13 وكتيابريا. ينتەرفاكس-كازاحستان).

نەگە ول قارجىلار بيلىكتەگى قورقاۋ - جەمقورلاردىڭ جەمتىگىنە اينالۋى كەرەك؟! نەگە بۇل قارجىلار شەتەلدىكتەردىڭ باسقارۋلارىنا بەرىلۋى كەرەك؟ وسى ەلدە باسى ىستەيتىن، قور باسقاراتىن دەنى ساۋ ادام قالماعان با؟ الدە ەل باسقارعانداردىڭ ءبارى شەتىنەن زەينەتكەر، دەمالعىسى كەپ قاتتى شارشاپ جۇرگەن شالدار ما؟! نەگە بۇل قارجىلار ەلگە كەرەكتى، حالىق تۇتىناتىن تاۋارلار شىعاراتىن زاۋىتتار مەن فابريكالار سالۋعا جۇمسالمايدى؟ نەگە بۇل قارجىلار ايدالاداعى، تابىسى تىم كۇماندى ازەربايجان بانكىنە سالىنادى؟

وسىنى باقىلايتىن، قاداعالايتىن ەلدە زاڭ دا، ءتيىستى ورگاندار بار ما ءوزى؟ ەلدەگى زاڭداردىڭ ءوزىن جەمقورلار مەن قاناعاتسىز كەيبىر بيلىكتەگى ۇرى-قارىلار مەن داردان قاشقاندار وزدەرىنە اساپ قويۋعا، ميللياردتاپ جەپ قويۋعا ىلايىقتاپ العان با؟ بۇل تاۋسىلمايتىن نە دەگەن بارداك؟! كىم ءتارتىپ ورناتادى؟ زەينەتكەردىڭ ءوزىنىڭ ماڭداي تەرىمەن تاپقان اقشالارى نەگە وعان كوزى تىرىسىندە، ال ولە كەتسە نەگە مۇراگەرىنە قايتارىلمايدى؟ بۇل زاڭدى شىعارىپ جۇرگەن قاي مينيستر؟ ونى قولداپ جۇرگەن كىم؟! پرەزيدەنت، پارلامەنت، پروكۋراتۋرا قايدا قاراپ وتىر؟ كىم وسى وزەكتى سۇراققا جاۋاپ بەرەدى؟!

سالەممەن، ىلەسبەك بايجانوۆ

Abai.kz