داميربەك اسىلبەكۋلۋ 2018 جىلى 15-16 اقپان كۇندەرى سول كەزدەگى وڭتۇستىك قازاقستان وبلىسى مەن جامبىل وبلىسىندا وتكەن ارنايى وپەراتسيا بارىسىندا ۇستالعان. ارنايى وپەراتسيادا ۇستالعان 35 ادامنىڭ اراسىندا كەدەن ورگاندارى، شەكارا قىزمەتىنىڭ لاۋازىمدى تۇلعالارى، بروكەرلەر بولعان. ۇستالعانداردىڭ ۇشەۋى – قىرعىزستان ازاماتى.
داميربەك اسىلبەكۋلۋنا قاتىستى الدىن الا سوت تىڭداۋى 19 قازاندا باستالعان. الماتى قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ وكىلى سوت تىڭداۋى 2 قاراشا كۇنگى ساعات 10-عا بەلگىلەنگەنىن ايتتى. سوت پروتسەسى اشىق وتەدى.
"قازاقستان جاعى ونىڭ "قازاقستان ازاماتتىعىن الۋىنا بايلانىستى كوپ نارسەنى ايتا المايمىز" دەپ وتىر. سوتقا وكىلدەرىمىز قاتىسادى. وسىدان كەيىن عانا اقپارات بەرەمىز" دەدى دەپۋتات نۋربەك اليمبەكوۆ.
بۇل ءىس بويىنشا اسىلبەكۋلىنان وزگە 11 ادام سوتقا تارتىلعان.
تەرگەۋ ۇستالعانداردى “شەكارادان كونتراباندالىق تاۋار وتكىزبەك بولدى" جانە “ترانسۇلتتىق ۇيىمداسقان توپقا قاتىستى” دەپ كۇدىكتەنەدى.
16 ساۋىردە قىرعىزستاننىڭ ورتالىق سايلاۋ كوميسسياسى “وزگە ەل ازاماتتىعىن العان بولۋى مۇمكىن” دەگەن سەبەپپەن اسىلبەكۇلىن دەپۋتاتتىق مانداتتان ايىرعان.
بۇعان دەيىن قازاقستاننىڭ سىرتقى ىستەر مينيسترلىگى اسىلبەكۋلۋنىڭ قازاقستاندىق پاسپورتى بارىن ايتقان. اسىلبەكۋلۋنىڭ تۋىستارى بۇل مالىمەتتى جوققا شىعارىپ، قاماۋدى بىرەۋلەردىڭ بۇرىنعى دەپۋتاتپەن "ەسەپ ايىرىسۋى" دەپ باعالاعان.
Abai.kz
