بيلل گەيتس ساۋد ارابياسى قورىنىڭ قايىرىمدىلىق جوبالارىنىڭ بىرىنە بەس ميلليون دوللار ءبولۋدى جوسپارلاعان. قارجى ءبىلىم بەرۋ سالاسىنداعى يننوۆاتسيالىق باستامالاردى دامىتۋعا باعىتتالعان. گەيتس حاشوگگيدىڭ ولىمىنە ەرەكشە الاڭدايتىنىن جانە ونى تەرگەۋ بارىسىن باقىلاپ وتىرعانىن ايتتى.
Washington Post باسىلىمىنىڭ شولۋشىسى، ساۋد ارابياسىنىڭ وپپوزيتسيالىق ءجۋرناليسى جامال حاشوگگي 2 قازان كۇنى ساۋد ارابياسىنىڭ ستامبۋلداعى كونسۋلدىعىنا قۇجاتتارىن راسىمدەۋگە كىرىپ، قايتىپ شىقپاعان.
ەر-رياد اۋەلدە جامال حاشوگگيدىڭ جوعالۋىنا قاتىسى جوعىن ايتقانىمەن، ەكى اپتادان سوڭ ءجۋرناليستىڭ ارنايى قىزمەتتىڭ "رۇقسات بەرىلمەگەن وپەراتسياسى بارىسىندا" قازا تاپقانىن مالىمدەگەن ەدى. كەيىن ساۋد ارابياسىنىڭ پروكۋرورى ءجۋرناليستىڭ قاساقانا ولتىرىلگەنىن مويىنداعان.
ساۋد ارابياسى بيلىگى بۇل ىسكە قاتىسى بار دەپ 18 ادامدى تۇتقىندادى جانە حاشوگگيدىڭ تۋىستارىنا كوڭىل ايتتى. تاق مۇراگەرىنىڭ جوعارى شەندى بەس كەڭەسشىسى قىزمەتتەرىنەن بوساتىلدى.
اقش پەن ەۋروپا ەلدەرى ساۋد ارابياسى بيلىگىنىڭ حاشوگگيدىڭ ولىمىنە قاتىستى مالىمدەمەلەرىنە سەنبەيدى جانە ءجۋرناليستى ولتىرۋگە تاپسىرىس بەرگەندەردىڭ كورول اۋلەتىمەن بايلانىسى بار بولۋى مۇمكىن دەپ كۇدىكتەنەدى. اقش حاشوگگيدىڭ ولىمىنە بايلانىستى "ماگنيتسكي زاڭى" اياسىندا ساۋد ارابياسىنا قارسى سانكتسيا سالۋدى قاراستىرىپ جاتىر.
Abai.kz
