قازاقتىڭ قازىرگى پروبلەماسى جەر داۋى. ەلىمىزدە كوپتەگەن تۇرعىننىڭ تاۋسىلمايتىن تۇيىتكىلى وسى ۇلتاراقتاي جەردى زاڭداستىرۋدىڭ بىتپەيتىن ماشاقاتى.

ءوزىم اۋادا تۇرعاندىقتان، سەبەبى 9 قاباتتا تۇرامىن. جەردىڭ ماسەلەسىنە بيىل تەرەڭىرەك ءۇڭىلدىم. زەرتتەدىم. توبە شاشىم تىك تۇردى.
الماتى ماڭىندا، الماتى وبلىسىندا جەرگىلىكتى بيلىك تۇرعىندارعا ءۇي سالۋعا رۇقسات بەرەدى. ال جەر تەلىمى جالعا بەرىلەدى. ءۇي يەسى جەردى ەكى جىلدا جەكەمەنشىككە راسىمدەمەسە، ياعني مەملەكەتتىك اكتى الماسا، ۇيدەي پالەگە تاپ بولىپ، ناعىز شىرعالاڭ باستالادى.

وسىلايشا 20 جىلدان بەرى جۇيكەسى جۇقارىپ، نەرۆتەن تەنتىرەگەن حالىقتىڭ تاۋقىمەتىن ەستىگەندە قۇيقا شىمىرلايدى.