كەشەلى بەرى  سولتۇستىك قازاقستان وبلىسىنىڭ ورتالىعى قىزىلجار قالاسىندا قازاقستان مەن رەسەي اراسىنداعى XV وڭىرارالىق ىنتىماقتاستىق فورۋمى جانە «قازاقستان-رەسەي ءتۋريزمىن دامىتۋدىڭ جاڭا جولدارى مەن ۇردىستەرى» اتتى كورمە وتۋدە.

بۇگىن اتالعان فورۋم اياسىندا قازاقستان جانە رەسەي پرەزيدەنتتەرى كەزدەسىپ، بىرقاتار ەكىجاقتى كەلىسسوزدەر جۇرگىزەدى  دەپ كۇتىلۋدە. اتاپ ايتقاندا، قىزىلجار قالاسىنداعى تەننيس  ورتالىعىندا ورنالاسقان حالىقارالىق كورمەنى ارالايدى دەپ جوسپارلانعان.

بۇدان بولەك، قازاقستان پرەزيدەنتى نۇرسۇلتان نازارباەۆ پەن رەسەي پرەزيدەنتى ۆلاديمير ءپۋتيننىڭ قاتىسۋىمەن «قازاقستان-رەسەي ءتۋريزمىن دامىتۋدىڭ جاڭا جولدارى مەن ۇردىستەرى» اتتى XV وڭىرارالىق ىنتىماقتاستىق فورۋمىنىڭ پلەنارلىق وتىرىسىنا قاتىسىپ، ءسوز سويلەيدى. كەيىن، بىرقاتار ەكىجاقتى قۇجاتتارعا قول قويۋ ءراسىمى وتەدى.

سونداي-اق، ەكى ەل پرەزيدەنتتەرى «بايتەرەك» عارىشتىق كەشەننىڭ جۇزەگە اسىرىلۋ بارىسىن تالقىلاماق.

ايتا كەتەيىك، كەشە قىزىلجار قالاسىندا قازاقستان مەن رەسەيدىڭ تۋريستىك الەۋەتىن تانىتاتىن حالىقارالىق كورمە ءوتتى.  كورمەگە قازاقستاننىڭ 18 ايماعى، 4 ۇيىمى، 4 تۋروپەراتورى، 1 ۇلتتىق كومپانياسى قاتىسسا، رەسەيدىڭ 11 ايماعى. 3 تۋروپەراتورى ءوز پاۆيلوندارىن ورنالاستىرعان.  شارا بارىسىندا بىرقاتار ەكىجاقتى كوممەرتسيالىق قۇجاتتارعا قول قويىلدى. كورمەگە قازاقستان مەن رەسەيدەن 200-دەن استام باق، 2000-نان استام دەلەگات كەلگەن.

نۇرگەلدى ابدىعانيۇلى

Abai.kz