قر ۇلتتىق بانكى قازاقستان ۇلتتىق ۆاليۋتاسى - تەڭگەنىڭ 25 جىلدىعىن مەرەكەلەۋگە وراي «تەڭگە: 25 جىل بىرگە» اتتى دەرەكتى ءفيلمدى ۇسىندى. بۇل تۋرالى قازاقستان ۇلتتىق بانكى Facebook-تەگى رەسمي پاراقشاسىندا جاريالادى.

«قازاقستان ۇلتتىق ۆاليۋتاسى – تەڭگەنىڭ 25 جىلدىعىن مەرەكەلەۋ قارساڭىندا سىزدەردىڭ نازارلارىڭىزعا «تەڭگە: 25 جىل بىرگە» اتتى دەرەكتى ءفيلمنىڭ انونسىن ۇسىنىپ وتىرمىز.

25 جىلدا تەڭگە عانا ەمەس، ەلىمىزدىڭ بۇكىل قارجى جۇيەسى دە بىرنەشە دامۋ ساتىسىنان ءوتتى. ەلدىڭ قارجى نارىعى بارىنشا ايقىن بولدى، جاڭا تەحنولوگيالىق جانە تسيفرلىق شەشىمدەر كەڭىنەن ەنگىزىلۋدە، جاڭا باعدارلار مەن ماقساتتار العا قويىلۋدا، ولاردىڭ كومەگىمەن قازاقستاننىڭ قارجى جۇيەسى ءارى قاراي تابىستى دامۋىن جالعاستىرادى.

[embed]

«تەڭگە: 25 جىل بىرگە» اتتى دەرەكتى ءفيلمنىڭ پرەمەراسىن 2018 جىلعى 15 قاراشادا «حابار» تەلەارناسىندا مەملەكەتتىك تىلدە 17:30-دا، ورىس تىلىندە 15:00-دە، سونداي-اق «KazakhTV» تەلەارناسىندا ورىس تىلىندە 21:20-دا قاراڭىزدار»، - دەلىنگەن حابارلامادا.

Abai.kz