جەتىساي اۋدانىندا ماقتا تەرۋ ناۋقانى اياقتالۋىنا ساناۋلى كۇندەر قالدى. قازىرگى تاڭدا اۋدان بويىنشا 48226,8 گەكتار ماقتا القابىنان 126 مىڭ 192 توننا ءشيتتى ماقتا جينالدى. اق التىننىڭ تۇسىمدىلىگى ءار گەكتارىنان 26,2 تسەنتنەردى قۇرادى.

جەتىساي اۋدانى اكىمىنىڭ ءباسپاسوز قىزمەتىنىڭ حابارلاۋىنشا، جالپى جينالعان ماقتانىڭ 75 پايىزى كومباينمەن تەرىلدى. اۋدانعا قاراستى ج. ەراليەۆ، اتامەكەن، ماقتالى، قاراقاي اۋىل وكرۋگتەرى اق التىن جيناۋدا جوعارى كورسەتكىشتەرگە قول جەتكىزدى.

سونداي-اق، بيىلعى جىلى ماقتا زاۋىتتارى مەن قابىلداۋ بەكەتتەرىندە ءشيتتى ماقتانىڭ باعاسى 180 مىڭ تەڭگەدەن بەلگىلەنىپ، 188 تەڭگەگە دەيىن كوتەرىلىپ، شارۋالارعا ءبىرشاما قولعابىس بولعانىن ايتا كەتۋ كەرەك.

ال، جالپى بيىل جەتىساي اۋدانىندا 77274,6 گەكتار جەرگە اۋىل شارۋاشىلىعى داقىلدارى ورنالاستىرىلدى. ونىڭ ىشىندە 15019,5 گەكتارعا باقشا داقىلدارى، 3172 گەكتارعا كوكونىس، 1000 گەكتارعا جاڭا جوڭىشقا، 85 گەكتارعا كارتوپ، 85 گەكتارعا ماش، 85 گەكتارعا كۇنباعىس، 1480 گەكتارعا سۇرلەمدىك جۇگەرى، 4378 گەكتارعا داندىك جۇگەرى، 437 گەكتارعا كۇرىش، 4120 گەكتارعا كوپجىلدىق ەكپەلەر ەگىلگەن.

بيىلعى جىلى اتالعان داقىلداردان 426159 توننا باقشا، 85020,7 توننا ءتۇرلى كوكونىستەر، 9186 توننا جاڭا جوڭىشقا، 1459 توننا كارتوپ، 2685 توننا كۇرىش، 205 توننا كۇنباعىس، 24015 توننا داندىك جۇگەرى، 158 توننا ماش، كوپجىلدىق ەكپەلەردەن 72061 توننا ءونىم الىنىپ وتىر.

بىلتىرعى جىلمەن سالىستىرعاندا باقشا 55627,3 تونناعا، كوكونىستەر 19230,4 تونناعا، داندىك جۇگەرى 8881,6 تونناعا، ماقتا 2609,6 تونناعا ارتىعىمەن وندىرىلگەن. دەسەك تە، اۋداندا كۇزگى جيىن-تەرىم جۇمىستارى ءىشىنارا جالعاسۋدا.

Abai.kz