قازاقستاننىڭ ۇلتتىق ەكونوميكا ءمينيسترى تيمۋر سۇلەيمەنوۆ 2018 جىلدىڭ قاڭتار-قىركۇيەك ايلارىنداعى ورتاشا جالاقى كولەمى قانشا ەكەنىن ايتتى.

ءسويتىپ، مينيستر سۇلەيمەنوۆتىڭ دەرەگىنشە، جىل باسىنان بەرى 414,5 مىڭ ادام جۇمىسقا ورنالاسقان. قازان ايىندا جۇمىسسىزدىق دەڭگەيى 4,8% دەيىن تومەندەگەن.

«جالاقى ءبىر قالىپتى قارقىنمەن وسۋدە. بيىلعى قاڭتار-قىركۇيەكتە ورتاشا ايلىق جالاقى 158,2 مىڭ تەڭگەگە دەيىن ۇلعايدى. جالاقىنىڭ ءوسۋى جانە ينفلياتسيالىق پروتسەسستەردىڭ باسەڭدەۋى اياسىندا ناقتى اقشالاي تابىس بيىلعى قاڭتار-تامىزدا 3,5%-كە ءوستى»، - دەدىتيمۋر سۇلەيمەنوۆ.

دەگەنمەن، حالىقتىڭ تابىسى بويىنشا وڭىرلەردە ءتۇرلى كورسەتكىشتەر بايقالعان.

«بيىلعى قاڭتار-ماۋسىم ايلارىندا 17 ءوڭىردىڭ 13-ىندە ناقتى تابىستاردىڭ ءوسۋى بايقالىپ وتىر. سونىمەن بىرگە، 4 وڭىردە ناقتى تابىستار ازايعان. ولار - ماڭعىستاۋ (-4,5%), قىزىلوردا (-2,6%), الماتى (-0,4%) وبلىستارى جانە الماتى قالاسى (-0,6%)»، - دەدى ت. سۇلەيمەنوۆ.

Abai.kz