بيىل ناۋرىزدا قازاقستان پرەزيدەنتى نۇرسۇلتان نازارباەۆ حالىققا جىل سايىنعى جولداۋىن جاريالادى. «پرەزيدەنتىتڭ بەس الەۋمەتتىك باستاماسى» اتتى ۇندەۋىندە ەلباسى وڭىرلەردىڭ الەۋمەتتىك-تۇرمىستىق جاعدايىن جاقسارتۋ، جاڭا جۇمىس ورىندارىن اشۋ مەن ازاماتتاردىڭ جالاقىلارىن ءوسىرۋ، وڭىرلەردى گازداندىرۋ سەكىلدى بىرقاتار ناقتى تاپسىرمالار بەرگەن.

وسىعان وراي، تۇركىستان وبلىسىندا قۋاتتىلىعى 2 ميلليون توننانى قۇرايتىن جاڭا مۇناي وڭدەۋ زاۋىتىنىڭ سالىناتىنى بەلگىلى بولدى.

قازاقستان – مۇنايلى مەملەكەت بارشاعا بەلگىلى. قازاقستان كوپتەگەن الەم ەلدەرىن مۇنايمەن قامتاماسىز ەتىپ وتىر. جىلدان-جىلعا مۇنايعا دەگەن سۇرانىس ارتىپ، ەلىمىزدە مۇناي وڭدەۋ زاۋىتىن سالۋ قاجەتتىلىگى تۋىنداپ وتىر.

وسىعان وراي، تۇركىستان وبلىسىندا قۋاتتىلىعى جىلىنا 2 ميلليون توننانى قۇرايتىن مۇناي وڭدەۋ زاۋىتى سالىنادى. بۇل تۋرالى "TURKISTAN INVEST" ينۆەستيتسيالىق كومپانياسىنىڭ ءباسپاسوز قىزمەتى حابارلايدى.

جاڭا زاۋىتتىڭ قۇرىلىسى تۇركىستان وبلىسىنىڭ ورداباسى اۋدانىندا جۇرگىزىلەتىن بولادى. جوبا ينۆەستورى - قازاقستاندىق «Standard Petroleum & Co LLP» كومپانياسى. جالپى قۇنى - 95 ملرد. (توقسان بەس ميلليارد) تەڭگەنى قۇرايتىن ينۆەستيتسيالىق جوبا اياسىندا جاڭا 1 مىڭ جۇمىس ورنى پايدا بولادى. بۇل ءوز كەزەگىندە ەلىمىزدە جۇمىسسىزدىقتى ازايتىپ، ەكسپورت كولەمىن ارتتىرادى. ناتيجەسىندە، بۇل ەلدىڭ ەكونوميكاسىنىڭ دامۋىنا زور سەپتىگىن تيگىزەدى.

بۇگىنگى كۇنى 250 گەكتار جەر اۋماعىندا جەرگە ورنالاستىرۋ جۇمىستارى جۇزەگە اسىرىلىپ، پەريمەتر بويىنشا قورشاۋلار ورناتىلۋدا. سونداي-اق، ەلەكتر جەلىلەرى وتكىزىلىپ، ۋچاسكەگە جول سالىنعان.

«تۇركىستان» Əكك» اق فيليالى - «Turkistan Invest» ينۆەستيتسيالىق كومپانياسىنىڭ قولداۋىمەن جۇزەگە اسىرىلاتىن جوبانىڭ ىسكە قوسىلۋى 2021 جىلى كۇتىلۋدە. ءونىم قازاقستان رەسپۋبليكاسىنىڭ اۋماعىندا ساتىلادى، سونىمەن قاتار، تمد ەلدەرىنە ەكسپورتتالاتىن بولادى.

Abai.kz