ق.ا.ياساۋي اتىنداعى حقتۋ-ڭ مادەنيەت سارايىندا ەلباسى ن.نازارباەۆتىڭ «رۋحاني جاڭعىرۋ» ماقالاسى اياسىندا «ماحاببات مۇناراسى» ميۋزيكلىنىڭ پرەمەراسى ءوتتى. وبلىستىق مادەنيەت جانە تىلدەردى دامىتۋ باسقارماسى مەن وبلىستىق وپەرا جانە بالەت تەاترىنىڭ ۇيىمداستىرۋىمەن العاش رەت وتكىزىلىپ وتىرعان تۋىندىنى تاماشالاۋعا زيالى قاۋىم مەن اتالعان جوعارى وقۋ ورنىنىڭ وقىتۋشى قۇرامى جانە ستۋدەنتتەرى، باق وكىلدەرى قاتىستى.

تۇركىستان وبلىسى اكىمىنىڭ ءباسپاسوز قىزمەتىنىڭ حابارلاۋىنشا، ەلباسىنىڭ «بەس الەۋمەتتىك باستاماسىنا» ءۇن قوسۋ ماقساتىندا وبلىس كولەمىندە كوپتەگەن يگى شارالار ءوتىپ جاتىر. سول قاتاردا كورەرمەنگە جول تارتقان  «ماحاببات مۇناراسى» ميۋزيكلىنىڭ اشىلۋ سالتاناتىندا وبلىس اكىمى جانسەيىت تۇيمەباەۆ قۇتتىقتاۋ ءسوزىن ارناپ، تەاتر ۇجىمىنا شىعارماشىلىق تابىستار تىلەدى.

«پرەمەرانى تاماشالاۋعا قالا تۇرعىندارىنىڭ اسىرەسە جاستاردىڭ كوپتەپ كەلۋى كوڭىلگە قۋانىش سىيلايدى. بۇل حالقىمىزدىڭ تىڭ دۇنيەگە قىزىعۋشىلىق تانىتىپ مادەنيەتىمىزدىڭ وركەندەگەنىنىڭ دالەلى ىسپەتتى. استانا قالاسىندا قويىلعان ميۋزيكل جاڭا وبلىس ورتالىعىندا تۇڭعىش رەت ساحنالانۋدا. ەكى كورىنىستەن تۇراتىن تۋىندى تەاتر رەپەرتۋارىنداعى ۇزدىك قويىلىمداردىڭ بىرىنە اينالارىنا سەنىمىم كامىل. رۋحاني قۇندىلىعى مول مۇنداي دۇنيەلەردىڭ جاندانۋىنا قولداۋ ءبىلدىرىپ، ناسيحاتتالۋىن قولعا الۋىمىز قاجەت. سوندىقتان دا ءتىل مەن ۇلتقا بولىنبەيتىن كيەلى ونەر ۇلاندارىنىڭ ونەرىن شەتەلگە تانىتۋدى دا باستى نازارعا الىپ، ەلىمىزدىڭ مەرەيىن وسى ارقىلى اسقاقتاتۋعا قادام جاساۋعا بولادى. ۇلتتىق ونەردى دامىتۋعا ۇلەس قوسىپ حالىقتىڭ العىسىنا بولەنۋ جولىنداعى ەڭبەكتەرىڭىز ەسەلەنە بەرسىن»، – دەدى ايماق باسشىسى جانسەيىت قانسەيىتۇلى.

ميۋزيكلدىڭ اۋەنىن جازعان ماقتاارال اۋدانىنىڭ تۋماسى، كومپوزيتور، وبلىستىق، رەسپۋبليكالىق، حالىقارالىق بايقاۋلاردىڭ جەڭىمپازى سۆەتلانا احمەتوۆا. مۋزىكاسىن وڭدەگەن بايدىبەك اۋدانىنىڭ تۋماسى، كومپوزيتور، وبلىستىق، رەسپۋبليكالىق، حالىقارالىق بايقاۋلاردىڭ جەڭىمپازى رۋسلان شىنىقۇلوۆ. ال، ميۋزيكلدىڭ ءسوزىن جازعان جاس اقىن مۇقاعالي كەنجەتايۇلى. مۋزىكالىق جەتەكشىسى، تەاتر ديرەكتورى – قر مادەنيەت قايراتكەرى ءابدىحان نۇرماحانبەتوۆ. قويۋشى-رەجيسسەرى – ەلىك نۇرسۇلتان، قويۋشى-بالەتمەيستەر – گۇلجان داۋلەتقۇلوۆا، قويۋشى-سۋرەتشىسى – داۋلەتيار بالتاباەۆ بولسا، كوركەمدىك جەتەكشىسى – ەرلان جاندارباي.

باستى كەيىپكەرلەردى سومداعاندار ايگەرىم جۇمابەك، ءمادىحان دۇيسەەۆ، ايبەك قاناتبەك، كۇنايىم يسمايلوۆا، ايدار بايىمبەتوۆ، مارجان ءشارىپحان، باقىتجان تۇرسىمانوۆ سىندى تەاتردىڭ جاس ءارى تاجىريبەلى ارتىستەرى. تالانتىمەن تالايدى ءتانتى ەتكەن ونەرپازداردىڭ ونەرىنە ءوڭىر باسشىسى ءوز ريزاشىلىعىن ءبىلدىردى.

جالپى ماحاببات ليريكاسى بەينەلەنگەن تۋىندىنى ساحنالاۋعا تەاتردىڭ 60-تان استام ءارتىسى كۇش سالدى. ادالدىق پەن باتىلدىق، قىزعانىش پەن كۇرەس كورىنىستەرى سۋرەتتەلگەن قويىلىم كورەرمەندەر كوڭىلىنەن شىعىپ، زور قوشەمەتكە يە بولدى.

Abai.kz