ەلباسى  ن.نازارباەۆتىڭ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ” اتتى قازاقستان حالقىنا جولداۋى ەلىمىزدىڭ الەۋمەتتىك-ەكونوميكالىق دامۋ ماسەلەلەرىنە ارنالدى. جولداۋدا حالىقتىڭ ءال-اۋقاتىن ارتتىرۋ، كاسىپكەرلىكتى دامىتۋ، الەۋمەتتىك سالانى قولداۋ ماسەلەلەرىنە باسا نازار اۋدارىلدى. ەلباسى، اسىرەسە، ەكونوميكانىڭ نەگىزگى قوزعاۋشى كۇشى سانالاتىن شاعىن جانە ورتا بيزنەستىڭ بۇگىنگى دامۋىنا توقتالىپ، ونى ارى قاراي جانداندىرۋدىڭ نەگىزى جولدارىن ايقىندادى. مەملەكەت باسشىسى «بيزنەستىڭ جول كارتاسى» باعدارلاماسىن 2025 جىلعا دەيىن ۇزارتۋدى ۇسىندى.

وسىعان وراي تۇركىستان قالاسىندا ءوڭىر باسشىسىنىڭ ءبىرىنشى ورىنباسارى قايرات نۇكەنوۆتىڭ قاتىسۋىمەن تۇركىستان وبلىستىق كاسىپكەرلەر پالاتاسىنىڭ سالتاناتتى اشىلۋ ءراسىمى ءوتتى.

اشىلۋ سالتاناتىنا قر «اتامەكەن» ۇكپ باسقارما توراعاسى ابىلاي مىرزاحمەتوۆ، وڭىرلىك كەڭەس توراعاسى قاينار اباسوۆ جانە وبلىستىڭ بيزنەس وكىلدەرى قاتىستى.

ءىس شارا اياسىندا وبلىستىق كاسىپكەرلەر پالاتاسىنىڭ ديرەكتورى ولجاس قارجاۋوۆ قوناقتاردى پالاتا كەڭسەسىمەن، وندا كورسەتىلەتىن قىزمەت تۇرلەرىمەن تانىستىردى.

وبلىس اكىمىنىڭ ءبىرىنشى ورىنباسارى ق.نۇكەنوۆتىڭ ايتۋىنشا كاسىپكەرلەر پالاتاسىنىڭ تۇركىستانعا كوشۋى وڭىردەگى كاسىپكەرلىك سالاسىنىڭ ساپالى جۇمىس ىستەپ، ساندىق وسۋىنە ەداۋىر كومەك بەرەدى. بۇل ءوز كەزەگىندە، وبلىستىڭ الەۋمەتتىك-ەكونوميكالىق دامۋىنا وڭ اسەرىن تيگىزەدى.

ءىس شارا اياسىندا قر «اتامەكەن» ۇكپ باسقارما توراعاسى ا.مىرزاحمەتوۆ وڭىرلىك كەڭەس وتىرىسىن وتكىزىپ، جاڭا كەڭسەنىڭ زاماناۋي، ىڭعايلى جۇمىس كەڭىستىگىن باعالاپ، كاسىپكەرلەر پالاتاسىنىڭ ۇجىمىنا ساتتىلىك پەن جەمىستى ەڭبەك تىلەدى.

ء"بىزدىڭ نەگىزگى ماقساتىمىز - كاسىپكەرلەردىڭ باسىن قوسىپ، ولاردى جۇمىلدىرۋ ارقىلى وبلىستىڭ ەكونوميكاسىن كوتەرۋ. كاسىپكەرلەرگە مەملەكەت تاراپىنان كورسەتىلىپ وتىرعان بارلىق باعدارلامالاردى كورسەتىپ، ءتۇسىندىرۋ. باسەكەلەستىككە ۇيرەتىپ، ولاردى وقىتۋ. سونىمەن بىرگە، ەلباسى ايتقانداي تۇركىستان قالاسىن بارلىق سالالار بويىنشا كوتەرىپ، ونداعى شاعىن جانە ورتا بيزنەستى كوتەرۋ. ول ءۇشىن بىزدەر استانا مەن الماتىداعى وزىق تاجىريبەلەرىمىزدى تۇركىستاندا قولدانىپ، شاھاردى حالىقارالىق دەڭگەيدەگى قالاعا اينالدىرۋعا بارىنشا اتسالىسامىز", - دەدى ا.مىرزاحمەتوۆ.

ايتا كەتەيىك، 2018 جىلعى 5 قازانداعى قر «اتامەكەن» ۇكپ بۇيرىعىمەن وڭتۇستىك قازاقستان وبلىسى كاسىپكەرلەر پالاتاسى تۇركىستان وبلىسى كاسىپكەرلەر پالاتاسى بولىپ قايتا وزگەرتىلگەن بولاتىن. مۇندا جوبالاردى سۇيەمەلدەۋ، كاسىپكەرلەردىڭ قۇقىعىن قورعاۋ، قارجىلاي ەمەس قولداۋ بولىمدەرى كاسىپكەرلەرگە قىزمەت ەتەتىن بولادى. سونداي-اق وزىنە-ءوزى قىزمەت كورسەتۋ ايماعى دا ىسكە قوسىلعان. بۇرىنعىداي كەڭەسشىلەرمەن ۇسىناتىن قىزمەتتەردىڭ كوپشىلىگىن ونلاين رەجيمىندە الۋعا بولادى. كاسىپ ۇيرەنەمىن دەۋشىلەرگە كاسىپكەرلىك نەگىزدەرىن ۇيرەتەتىن بيزنەس مەكتەپ تە جۇمىس ىستەيدى.

«پالاتانىڭ تۇركىستان وبلىسىنىڭ كاسىپكەرلەرىنە ۇلكەن قولداۋ كورسەتەدى دەگەن ءۇمىتىمىز بار. باستى ماقساتىمىز كəسىپكەرلىكتى دامىتۋعا جəنە قولداۋعا، كاسىپكەرلەردىڭ قۇقىقتارى مەن زاڭدى مۇددەلەرىن قورعاۋعا، ۇكىمەت پەن بيلىك وكىلدەرى اراسىندا ىسكەرلىك كەلىسسوزدەردى كۇشەيتۋگە، نورماتيۆتىك قۇقىقتىق اكتىلەردى ازىرلەۋ پروتسەسىندە كاسىپكەرلەردى تارتۋعا باعىتتالعان»، - دەپ اتاپ ءوتتى تۇركىستان وبلىسى كاسىپكەرلەر پالاتاسىنىڭ ديرەكتورى ولجاس كارجاۋوۆ.

Abai.kz