بوزىمباەۆ "ورىنباسارىڭىز اناتولي شكارۋپانىڭ ۇستالعانىنان حاباردارسىز با؟" دەگەن ساۋالعا ء"يا" دەپ جاۋاپ بەردى. مينيستر سونىمەن قاتار ۆيتسە-ءمينيستردىڭ ءوزىن قىزمەتىنەن بوساتۋ تۋرالى ارىزىنا قول قويعانىن دا ايتتى.
"كەلىسىم الۋ ۇزاق بولادى، پرەمەر-مينيستر كەڭسەسى، پرەزيدەنت اكىمشىلىگى كەلىسۋى كەرەك. بىراق ول وتكەن اپتادا ءوتىنىشىن جازدى، مەن ءتيىستى ۇسىنىسىمدى جولدادىم" دەدى ەنەرگەتيكا ءمينيسترى.
استانا قالالىق سوتىنىڭ حابارلاۋىنشا، مامانداندىرىلعان اۋدانارالىق تەرگەۋ سوتى اناتولي شكارۋپانى 2019 جىلدىڭ 16 قاڭتارىنا دەيىن قاماۋعا الۋعا سانكتسيا بەرگەن.
قازان ايىنىڭ باسىندا باس پروكۋرور قايرات قوجامجاروۆ استانادا قاۋىپسىزدىك كەڭەسىنىڭ جيىنىندا 2015-2017 جىلدارى قاراعاندى وبلىسى ساران قالاسىنىڭ اكىمى بولعان اناتولي شكارۋپانىڭ "زاڭ بۇزعانىنا قاتىستى شاعىم بارىن مالىمدەگەن. باس پروكۋروردىڭ مالىمەتىنشە، شكارۋپا 2015 جىلى ەسەپتەۋىش قۇرىلعىلارىن قوندىرۋعا بولىنگەن بيۋدجەتتىڭ 215 ميلليون تەڭگەسىن جىمقىرۋعا قاتىسى بار. بۇل ءىس بويىنشا تەرگەۋ باستالعان.
شكارۋپا ۆيتسە-مينيستر قىزمەتىنە بيىل قازاننىڭ باسىندا تاعايىندالعان. مۇنىڭ الدىندا ول قاراعاندى وبلىسى اكىمىنىڭ ورىنباسارى بولعان. شكارۋپاعا دەيىن ەنەرگەتيكا ۆيتسە-ءمينيسترى باقىتجان جاقساليەۆ شىلدەدە اقمولا وبلىسى اۋماعىنداعى شيپاجايدا كولدى تازارتۋ جوباسىندا بولعان ىقتيمال سىبايلاس جەمقورلىقتى تەرگەۋ اياسىندا ۇيقاماققا الىنعان.
Abai.kz
