قر پرەزيدەنتى ن.ءا.نازارباەۆتىڭ قازاقستان حالقىنا جولداعان جولداۋىن ناسيحاتتاۋ جانە ءتۇسىندىرۋ ماقساتىندا وبلىستىق اقپاراتتىق-ناسيحاتتىق توپتاردىڭ تۇرعىندارمەن كەزدەسۋى وتۋدە. وبلىس اكىمىنىڭ ءبىرىنشى ورىنباسارى، اقپاراتتىق-ناسيحاتتىق توپ جەتەكشىسى قايرات نۇكەنوۆ كەنتاۋ قالاسىنىڭ تۇرعىندارىمەن كەزدەستى. بۇل تۋرالى كەنتاۋ قالاسى اكىمدىگىنىڭ ءباسپاسوز قىزمەتى حابارلادى. 

جيىنعا وبلىستىق اۋىل شارۋاشىلىعى باسقارماسى باسشىسىنىڭ مىندەتىن اتقارۋشى، توپ جەتەكشىسىنىڭ ورىنباسارى نۇربەك بادىراقوۆ، تۇركولوگيا عىلىمي ورتالىعى ديرەكتورىنىڭ ورىنباسارى نۇرلان مانسۇروۆ، وبلىستىق ساۋلەت جانە قالا قۇرىلىسى باسقارماسى باسشىسىنىڭ ورىنباسارى سالكەن جاپپارقۇلوۆ، وبلىستىق جولاۋشىلار كولىگى جانە اۆتوموبيل جولدارى باسقارماسى باسشىسىنىڭ ورىنباسارى رولان يبراگيموۆ، وبلىستىق قۇرىلىس باسقارماسى باسشىسىنىڭ ورىنباسارى عالىمجان تولەگەنوۆ، ق.ا.ياساۋي اتىنداعى حقتۋ اعا وقىتۋشىسى، پروفەسسور سەيدۋللا سادىقوۆ، ق.ا.ياساۋي اتىنداعى حقتۋ كافەدرا مەڭگەرۋشىسى ايداربەك اميربەك قاتىستى.

العاش بولىپ بايانداما جاساعان تۇركولوگيا عىلىمي ورتالىعى ديرەكتورىنىڭ ورىنباسارى نۇرلان مانسۇروۆ ەلباسى جولداۋىنان تۋىنداعان مىندەتتەر جايىندا ايتىپ ءوتتى. وبلىستىق اۋىل شارۋاشىلىعى باسقارماسى باسشىسىنىڭ مىندەتىن اتقارۋشى، توپ جەتەكشىسىنىڭ ورىنباسارى نۇربەك بادىراقوۆ جولداۋداعى ايقىن باسىمدىقتاردى  كەڭ كولەمدە ءتۇسىندىرىپ ءوتتى.

ال، جارىسسوزگە شىققان وبلىستىق ءماسليحات دەپۋتاتى زۇلپارحان چالدانوۆ جولداۋ ۇستازدار قاۋىمىنا ۇلكەن قۋانىش سىيلاعاندىعىن ايتتى. ياعني، جولداۋ جۇكتەگەن مىندەتتەرگە وراي «پەداگوگتار مارتەبەسى تۋرالى» زاڭ جوباسى جاسالىپ، ولاردىڭ لايىقتى ەڭبەك اقىلارىن الۋىنا جاعداي جاساۋ ءىسى قارالاتىنىن جەتكىزدى.

«نۇر وتان» پارتياسى كەنتاۋ قالالىق فيليالى توراعاسىنىڭ ءبىرىنشى ورىنباسارى ساعىنبەك اسىلبەكوۆ كوشباسشى پارتيا مۇشەلەرى جولداۋدا اتاپ كورسەتىلگەن ماسەلەلەردى نەگىزگە الا وتىرىپ، وبلىستىڭ الەۋمەتتىك-ەكونوميكالىق دامۋى جانە ساياسي تۇراقتىلىقتى، حالىقتىڭ ءال-اۋقاتىن ارتتىرۋدى قامتاماسىز ەتۋگە جۇمىلا جۇمىس جاسايتىندىعىن ءسوز ەتتى.

جاستار اتىنان ءسوز العان جاستار رەسۋرستىق ورتالىعىنىڭ ينسپەكتورى ازات سۇلتان ەلباسى ارقاشان جاستارعا ەرەكشە نازار اۋدارىپ وتىراتىندىعىنا توقتالدى. سونداي-اق، كەلەر جىلدى «جاستار جىلى» دەپ جاريالاۋى جاستارعا ۇلكەن جىگەر سىيلاعاندىعىن ايتىپ ءوتتى.

جيىندى قورىتىندىلاعان وبلىس اكىمىنىڭ ءبىرىنشى ورىنباسارى قايرات تەمىرشوتىۇلى ساياسي قۇجاتتا كوتەرىلگەن ماسەلەلەر ەلىمىزدىڭ الەمدىك باسەكەگە قابىلەتتى دامۋىنا جول اشاتىندىعىن ايتتى.

- قازاقستاننىڭ دامۋ جولى ايقىندالدى. ەندىگى جەردە ءبىلىم، مەديتسينا، تۋريزم، اگرو ونەركاسىپ جانە حالىقتى قول جەتىمدى باسپانامەن قامتۋ جۇمىستارى جۇرگىزىلەدى. كەنتاۋ قالاسىندا دا بۇل باعىتتا كوپتەگەن جۇمىستار اتقارىلۋدا. ەلباسى جولداۋىنا وراي اۋىلدى جەرلەردى گۇلدەندىرۋگە دە ارنايى جوبالار جاسالماق. بۇل باعىتتا دا وبلىسىمىزدا كوپتەگەن ىستەر جۇزەگە اسادى. جالپى ەڭبەك ەتەمىن دەگەن ادامعا ەلىمىزدە بارلىق جاعداي جاسالعان. ەلباسىنىڭ ۇستانعان ساياساتى بۇگىندە ءوز ناتيجەسىن بەرۋدە، - دەگەن تۇركىستان وبلىسى اكىمىنىڭ ءبىرىنشى ورىنباسارى، اقپاراتتىق ناسيxات توبىنىڭ جەتەكشىسى قايرات نۇكەنوۆ بارشا كەنتاۋلىقتاردى جولداۋدى قولداۋعا جانە ونىڭ ورىندالۋىنا ات سالىسۋعا شاقىردى.

قالا اكىمى ابدىباقىت ماقۇلباەۆ جولداۋدى ءتۇسىندىرۋ ىسىنە وبلىستان ارنايى كەلگەن اقپاراتتىق-ناسيحات توپ توراعاسى مەن مۇشەلەرىنە العىس ايتتى. سونداي-اق، كوپشىلىكتى ەلباسى جولداۋىندا كورسەتىلگەن ايقىن باسىمدىقتاردى كەنتاۋ قالاسى مەن قالاعا قاراستى اۋىلداردا تولىققاندى جۇزەگە اسىرۋعا جانە بۇل باعىتتا بىرگەلىكتى جۇمىس جاساۋعا شاقىردى.

Abai.kz