ەلباسىنىڭ بيىلعى جولداۋىنىڭ باستى باعىتى – الەۋمەتتىك دامۋدىڭ بارلىق سالالارىنا ەنەتىن ەكونوميكانىڭ جالپى تسيفرلاندىرىلۋى. وسىعان وراي تۇركىستان وبلىسى ءبىلىم سالاسىنداعى تسيفرلاندىرۋ جۇيەسىن رەسپۋبليكادا العاش بولىپ ەنگىزدى.

بۇل تۋرالى وبلىستىق ءبىلىم باسقارماسى باسشىسىنىڭ ورىنباسارى ارداق سادىقوۆا مالىمدەدى. ونىڭ ايتۋىنشا، بۇل جۇيە ءبىلىم سالاسىنداعى اشىقتىق پەن قولجەتىمدىلىككە باعىتتالعان. بيىل وبلىستاعى 481 مەكتەپكە دەيىنگى ءبىلىم بەرۋ ۇيىمىنا جولداما بەرۋ جانە كەزەككە قويۋ وسى جۇيە اياسىندا جۇزەگە استى. بۇل ايماقتاعى بالاباقشالاردىڭ 35 پايىزىن قامتيدى. جىل سوڭىنا دەيىن وسى كورسەتكىشتى 100 پايىزعا جەتكىزۋ جوسپارلانىپ وتىر. سونىمەن قاتار وقۋشىلاردى مەكتەپكە قابىلداۋ دا mektep.sitcen.kz پورتالى ارقىلى جۇزەگە اسىرىلادى. بيىل ايماقتا وسى جۇيە ارقىلى 54 751 وقۋشى ەلەكتروندى تۇردە 1-سىنىپقا قابىلدانعان.

Cونداي-اق وبلىستىڭ بارلىق مەكتەپتەرىنە jumys.sitcen.kz پورتالى ارقىلى قاتارداعى قىزمەتكەرلەر مەن مۇعالىمدەردى جۇمىسقا قابىلداۋ جۇيەسى ەنگىزىلىپ وتىر. بۇگىندە 837 ادام وسى جۇيە ارقىلى جۇمىسقا ورنالاسقان. سولاردىڭ ءبىرى – جاس مامان جالعاس باتىرحان.

جالعاس باتىرحان، جاس مامان:

– جالپى «تسيفرلىق قازاقستان» باعدارلاماسى بويىنشا اقپاراتتىڭ اشىقتىعى مەن جاريالىلىعى نەگىزىندە قۇرىلعان بۇل جوبا ۇتقىر جوبا دەپ ەسەپتەيمىن. جەمقورلىقتىڭ الدىن الادى. سونىمەن قاتار جاستاردىڭ بوس جۇمىس ورنىن وڭاي تابۋىنا ۇلكەن مۇمكىندىك بەرەدى. ساپالى كادراردى بىردەن تابۋعا ىقپال ەتەدى دەگەن سەنىمدەمىن.

ارداق سادىقوۆا، وبلىستىق ءبىلىم باسقارماسى باسشىسىنىڭ ورىنباسارى:

– بۇل جەردە قاعيدا بويىنشا ءسىز قانشا جوعارى بالل العانىڭىز ەمەس، دەڭگەيدى ءوتۋ عانا. ءسىز 100 بالل الساڭىز دا، ەگەر كوميسسيانىڭ تالاپتارىنا ساي بولماساڭىز، وتە المايسىز. ويتكەنى كوميسسيانىڭ شەشىمى مەن بۇيرىق شىعارىلادى. 

Abai.kz