ەلباسى ن.نازارباەۆ بيىلعى قازاقستان حالقىنا ارناعان جولداۋىندا حالىقتىڭ دەنساۋلىعىنا باس نازار اۋدارۋ كەرەكتىگىن اتاپ ءوتتى. وسىعان وراي تۇركىستان وبلىسىندا دا بىرقاتار جۇمىستار اتقارىلىپ جاتىر.

ماسەلەن، الداعى سەگىز جىلدا شىمكەنت رەسپۋبليكالىق بيۋدجەتتىڭ دونور قالاسى دەڭگەيىنە جەتەدى. بۇل تۋرالى پارلامەنت ءماجىلىسىنىڭ جالپى وتىرىسىندا قر ۇلتتىق ەكونوميكا ءبىرىنشى ۆيتسە-ءمينيسترى رۋسلان دالەنوۆ ءمالىم ەتتى،-دەپ حابارلايدى قازاقپارات.

«بۇگىندە تۇركىستان جانە شىمكەنت قالالارى رەسپۋبليكالىق بيۋدجەتتەن سۋبۆەنتسيا الادى. مىسالى، استانا مەن الماتى قالالارى دونور بولىپ وتىر. ارينە، شىمكەنت دونور قالا دەڭگەيىندە ەمەس.

الداعى ۋاقىتتا شىمكەنتتىڭ بيۋدجەتى ءوزىن تولىقتاي قامتاماسىز ەتە الادى. ءبىزدىڭ بولجامىمىز بويىنشا 8-15 جىلدا شىمكەنت قالاسى دوتاتسيالىق وڭىردەن دونور شاھار دەڭگەيىنە كوشەدى»، - دەدى ول.

رۋسلان دالەنوۆتىڭ سوزىنە قاراعاندا، شىمكەنت 2025 جىلدان باستاپ دونور قالا بولۋى مۇمكىن. سونىمەن قاتار، ول شىمكەنتتەگى جەر سالىعى 2020 جىلدان باستاپ وسەتىنىن اتاپ ءوتتى.

«شىمكەنت جانە تۇركىستان قالالارىنىڭ مارتەبەسى وزگەرىپ جاتىر. وسىعان بايلانىستى مۇلىك پەن جەر تەلىمىنە سالىق ستاۆكالارى وزگەرەدى. سونىمەن بىرگە ءبىز حالىقتىڭ تابىس دەڭگەيىن، ەڭبەكاقىسىن، جەرگىلىكتى بيۋدجەتتىڭ قاجەتتىلىگىن ەسكەردىك. سوندىقتان ستاۆكالار بىردەن كوتەرىلمەيدى، ياعني وتپەلى كەزەڭ بار. جاڭا ستاۆكالار 2020 جىلدان كۇشىنە ەنەدى، ال 2018 جانە 2019 جىلى ونىڭ مولشەرى بۇرىنعى دەڭگەيدە ساقتالادى. اتاپ ايتقاندا، 2020 جىلدان جاڭا سۋبۆەنتسيا ەسەپتەۋ باستالادى، ولار بىزدە ءۇش جىلعا ەسكەرىلەدى»،   - دەدى ءبىرىنشى ۆيتسە-مينيستر.

بۇدان بۇرىن حابارلانعانداي، بۇگىن پارلامەنت ءماجىلىسىنىڭ جالپى وتىرىسىندا «قازاقستان رەسپۋبليكاسىنىڭ كەيبىر كونستيتۋتسيالىق زاڭدارىنا قازاقستان رەسپۋبليكاسىنىڭ  اكىمشىلىك-اۋماقتىق قۇرىلىسى ماسەلەلەرى بويىنشا وزگەرىستەر ەنگىزۋ تۋرالى» زاڭ جوباسى ءبىرىنشى وقىلىمدا ماقۇلداندى.

Abai.kz