ەلباسى ن.نازارباەۆ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ” اتتى قازاقستان حالقىنا ارنالعان جولداۋىندا “سەرپىندى جوبالاردى جۇزەگە اسىرۋ ءۇشىن شەتەلدىك ينۆەستورلارمەن بىرلەسىپ ينۆەستيتسيا سالۋ قاعيداتى بويىنشا جۇمىس ىستەيتىن شيكىزاتتىق ەمەس سەكتورعا بولىنەتىن تىكەلەي ينۆەستيتسيا قورىن قۇرۋ ماسەلەسىن قاراستىرۋ قاجەت” دەپ اتاپ كورسەتكەن.

وسىعان وراي، تۇركىستان وبلىسى اكىمىنىڭ ورىنباسارى ەربول تاسجۇرەكوۆ فرانتسيانىڭ الماتى قالاسىنداعى باس كونسۋلى الەكسيس شاحتاحتينسكيمەن كەزدەستى. باسقوسۋدا تاراپتار ەكى ەل اراسىنداعى ساۋدا-ەكونوميكالىق بايلانىس پەن ينۆەستيتسيالىق ىنتاماقتاستىقتى ارتتىرۋ جايىن تالقىلادى.

كەزدەسۋدە وبلىس اكىمىنىڭ ورىنباسارى قوناقتاردى ءوڭىردىڭ ەكونوميكالىق الەۋەتىمەن تانىستىرىپ، بىرلەسكەن جوبالاردى جۇزەگە اسىرۋعا شاقىردى.

«ءبىزدىڭ وبلىستا ينۆەستيتسيالىق جوبالاردى جۇزەگە اسىرۋعا، شاعىن جانە ورتا كاسىپكەرلىكتى دامىتۋعا مەيلىنشە جاعداي جاسالعان. سونداي-اق، 2 ملن. تۇرعىنى بار تۇركىستان ءوڭىرى قازاقستانداعى حالقى ەڭ تىعىز ورنالاسقان وبلىسقا جاتادى. مۇنداعى اۋىل شارۋاشىلىق سالاسى ايماقتىق ەكونوميكانىڭ درايۆەرىنە اينالعان دەپ ايتۋعا بولادى. اتاپ ايتساق، جىلىنا 1 ملن. توننا باقشا ونىمدەرى جينالادى. رەسپۋليكاداعى جىلىجايلاردىڭ 90 پايىز ۇلەسى ءبىزدىڭ وبلىسقا تيەسىلى. ەلەدەگى ماقتانىڭ 100 پايىزى بىزدە وسىرىلەدى. ودان بولەك، تۋريزم سالاسىن دامىتۋعا مول مۇمكىندىكتەر بار. مىنە، وسى باعىتتار بويىنشا ورتاق جوبالاردى ىسكە اسىرۋعا شاقىرامىز»، - دەدى ە.تاسجۇرەكوۆ.

ءوز كەزەگىندە الەكسيس شاحتاحتينسكي ايتىلعان ۇسىنىستاردى قابىل الىپ، الداعى ۋاقىتتا بىرقاتار ينۆەستيتسيالىق جوبالاردى جۇزەگە اسىرۋ باعىتىندا ءتيىستى جۇمىستار اتقارىلاتىنىن ايتتى.

ايتا كەتەيىك، قازاقستان مەن فرانتسيا اراسىنداعى ديپلوماتيالىق قارىم - قاتىناس ەڭ العاش 1992 جىلى ورناعان. ناتيجەسىندە قوس ەلدە ەكى جاقتىڭ ەلشىلىگى اشىلىپ، ەكونوميكالىق بايلانىس نىعايا ءتۇستى. وتكەن جىلدىڭ قورىتىندىسى بويىنشا ەكى ەل اراسىنداعى تاۋار اينالىم 3,11 ملرد. اقش دوللارىن قۇراعان.

Abai.kz