ەلباسى جولداۋىنا سايكەس، تۇركىستان وبلىسىندا 2020 جىلعا دەيىن مەملەكەتتىك قىزمەت كورسەتۋدى 90% ەلەكتروندى جۇيەگە كوشىرۋ جۇمىستارى قارقىندى ءجۇرىپ جاتىر.

قر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتى مەن «ازاماتتارعا ارنالعان ۇكىمەت» مەملەكەتتىك كورپوراتسياسى تۇركىستان وبلىسى بويىنشا فيليالىنىڭ باستاماسىمەن اگرارلىق كوللەدجدە «ستۋدەنتتەرگە قىزمەت كورسەتۋ ورتالىعى» اشىلدى.

ورتالىقتىڭ نەگىزگى ماقساتى — تسيفرلاندىرۋ جۇيەسىمەن بارلىق سالالارداعى مۇمكىندىكتەردى پايدالانۋ، جاستاردى تسيفرلىق-ەلەكتروندى تۇردە قىزمەت الۋعا ۇيرەتۋ جانە ەلەكتروندىق ۇكىمەت پورتالىندا قىزمەت الۋ داعدىلارىن جەتىلدىرۋ، دەپ جازادى otyrar.kz.

وسىلايشا، ورتالىقتا 40 اسا مەملەكەتتىك قىزمەت كورسەتۋ تۇرلەرى كورسەتىلەدى. اتاپ ايتساق، جاتاقحاناعا ورنالاسۋ، سىناق كىتاپشاسىن الۋ جانە ت.ب. ءىس شارادا دەپارتامەنت باسشىسى ع.تۇرسىنباەۆ بۇگىنگى كۇنى قازاقستاننىڭ ەلەكتروندى ۇكىمەتتى دامىتۋ سالاسىنداعى جەتىستىكتەرىن الەم مويىنداعانىن اتاپ ءوتىپ، ەلباسى جولداۋىنا سايكەس، 2020 جىلعا دەيىنگى مەملەكەتتىك قىزمەت كورسەتۋدى 90% ەلەكتروندى جۇيەگە كوشىرۋ جۇمىستارى قارقىندى ءجۇرىپ جاتقانىن جەتكىزدى.

سونىڭ ءبىر ايعاعى، «تسيفرلى قازاقستان» باعدارلاماسىن جۇزەگە اسىرۋدا بۇگىن كوللەدج ستۋدەنتتەرىنە قىزمەت كورسەتۋ ورتالىعى اشىلىپ وتىرعانىن تىلگە تيەك ەتتى.
ال، كورپوراتسيا باسشىسى ە.جەڭىسبەكوۆ كوللەدج وقىتۋشىلارى مەن ستۋدەنتتەرگە كارترەيدەر ارقىلى جەكە كۋالىكتەگى ەتسق-مەن (ەلەكتروندى تسيفرلىق قولتاڭبا) e.gov پورتالىنان قاجەتتى قۇجات تۇرلەرىن الۋعا بولاتىنىن ايتتى.

شارا بارىسىندا كوللەدج ديرەكتورى گ.بەكبەرگەنوۆا اشىلىپ وتىرعان ورتالىقتىڭ جۇمىسىن ءتيىمدى جۇرگىزۋ ءۇشىن كوللەدج ماماندارى حقكو تاعلىمدامادان ءوتىپ، ارنايى سەرتيفيكاتتارعا يە بولعانىن.

ورتالىقتىڭ اشىلۋىمەن 2000-عا جۋىق ستۋدەنتتىڭ ۋاقىتىن ۇنەمدەۋگە جول اشىلعانىن، «تسيفرلى قازاقستان» باعدارلاماسى ستۋدەنتتەردىڭ الاڭسىز ءبىلىم الۋىنا مۇمكىندىگىن بەرىپ وتىرعانىن جانە «SMART-كوللەدج» باعدارلاماسى ەنگىزىلگەنىن ايتىپ ءوتتى.
بۇعان قوسا، «نۇروتان» پارتياسىنىڭ «وركەنيەت» باستاۋىش ۇيىمىنىڭ قولداۋىمەن ستۋدەنتتەر بۇل ورتالىقتا تاسساي تۇرعىن الابىنىڭ تۇرعىندارىنا قىزمەت كورسەتەتىن بولادى دەپ مالىمدەدى.

شارا سوڭىندا ع.تۇرسىنباەۆ ەلىمىزدە تسيفرلاندىرۋ جۇيەسىمەن بارلىق سالالار قامتىلىپ كەلەتىنىن ايتا كەلە، بار مۇمكىندىكتەردى پايدالانىپ جاستاردى ەلەكتروندى تۇردە قىزمەت الۋعا شاقىردى جانە بۇل باستامانى وبلىستىڭ بارلىق وقۋ ورىندارىندا ەنگىزۋدى ۇسىندى.