تۇركىستان وبلىسىنىڭ اۋدان، قالالارىندا وبلىس اكىمى جانسەيىت تۇيمەباەۆتىڭ ارنايى تاپسىرماسىنا سايكەس، حالىققا مادەني، رۋحاني، ءدىني تۇرعىدا ءتۇسىندىرۋ جۇمىستارىن جۇرگىزۋ ماقساتىندا «ءداستۇرلى قۇندىلىقتار كەرۋەنى» تاقىرىبىنداعى كوشپەلى جيىندار ءوتىپ جاتىر.

تۇركىستان وبلىسى اكىمىنىڭ ءباسپاسوز قىزمەتىنىڭ حابارلاۋىنشا، ەلباسى جولداۋىنا سايكەس وڭتۇستىك ءوڭىردىڭ ارىس قالاسى مەن سارىاعاش، ماقتاارال، جەتىساي، كەلەس، شاردارا، قازىعۇرت جəنە تولەبي اۋداندارىندا ۇيىمداستىرىلعان شاراعا تانىمال ءدىنتانۋشى-تەولوگتار، بەدەلدى سپورتشىلار، مادەنيەت مايتالماندارى مەن زيالى قاۋىم وكىلدەرى، قازاقستان مۇسىلماندارى ءدىني باسقارماسىنىڭ وبلىستىق فيليالدارىنىڭ  يمامدارى  جانە وزگە دە سالا وكىلدەرى قاتىسقان.

ماسەلەن، ارىس قالاسىندا وتكەن جيىندى قالا اكىمىنىڭ ورىنباسارى رىسداۋلەت ايتباەۆ جۇرگىزىپ، شاھارداعى ءدىني احۋال جايلى كەڭىنەن ايتىپ بەردى. ايتۋىنشا، بۇگىنگى تاڭدا ارىستا «ءدىني قىزمەت جانە ءدىني بىرلەستىكتەر تۋرالى» قابىلدانعان زاڭعا سايكەس تىركەلىپ جۇمىس ىستەپ جاتقان ءدىني كونفەسسيالاردىڭ جالپى سانى – 2. ولار: يسلامدىق جانە حريستياندىق باعىتتا. قالا اۋماعىنداعى ءدىني بىرلەستىكتەر مەن فيليالدار – 27. ونىڭ ىشىندە: 1-پريحود («شىمكەنت قالاسىنىڭ ارىس قالاسىنداعى بوجيەي ماتەري قازان يكوناسى پريحودى» جەرگىلىكتى پراۆوسلاۆيەلىك ءدىني بىرلەستىگى) پراۆوسلاۆتىق باعىتتا بولسا، قازاقستان مۇسىلماندار ءدىني باسقارماسىنا قاراستى 26 مەشىت جۇمىس ىستەيدى. ولاردىڭ بارلىعىمەن تىعىز بايلانىس ورناتىلعان. جالپى العاندا، قالا اۋماعىندا ءدىني احۋال تۇراقتى.

ء"داستۇرلى قۇندىلىقتارعا قارت ادامداردىڭ جاس وتباسىعا بەرگەن اقىل-كەڭەستەرى جاتادى. ءار وتباسىدا بۇل قۇندىلىقتار ءار ءتۇرلى. ولاردىڭ ۇقساس جاقتارى دا بار. كەز كەلگەن وتباسىدا ءدىندى ساقتاپ، نەكەنى بۇزباۋ، ۇرپاق جالعاستىرىپ، بالا تاربيەلەۋ سىندى ورتاق ءداستۇرلى وتباسىلىق قۇندىلىقتار قالىپتاسقان. ءاربىر وتباسىنىڭ باستى ماقساتى باقىتتى عۇمىر كەشۋ بولىپ تابىلادى. باقىتتى وتباسىن قۇرۋ ءبىرىنشى كەزەكتە جاس جۇبايلاردىڭ تاربيەسىنە تىكەلەي بايلانىستى. «بالاپان ۇياسىندا نە كورسە، ۇشقاندا سونى ىلەدى» دەپ قازاق حالقى وتباسى تəربيەسىنە ايرىقشا مəن بەرگەن. مەملەكەتتىڭ باستى مىندەتى مەن ماقساتى دا وسى ءداستۇرلى قۇندىلىقتارىمىزدى ساقتاپ، وسكەلەڭ ۇرپاققا ىزگىلىك جولىن دəرىپتەۋ. سول مىندەتىمىزدى ورىنداۋ ماقساتىندا اتالعان كەرۋەندى ۇيىمداستىرىپ، پىكىر الماسۋعا كەلىپ وتىرعان ازاماتتارعا العىسىمدى بىلدىرەمىن", - دەدى قالا اكىمىنىڭ ورىنباسارى.

جەرگىلىكتى حالىقپەن كەزدەسۋدە تۇركىستان وبلىسى ءدىن ىستەرى باسقارماسى «ءدىن ماسەلەلەرىن زەرتتەۋ ورتالىعى» مكم-ءنىڭ ديرەكتورىنىڭ ورىنباسارى مəدي بەسباەۆ، تۇركىستان وبلىسى ءدىن ىستەرى باسقارماسى، «ءدىن ماسەلەلەرىن زەرتتەۋ ورتالىعى» مەملەكەتتىك كوممۋنالدىق مەكەمەسىنىڭ ءبولىم باسشىسى دالەلحان وسپانوۆ، وبلىستىق مادەنيەت جانە تىلدەردى دامىتۋ باسقارماسى، حالىق شىعارماشىلىعى ورتالىعىنىڭ ءبولىم باسشىسى شولپان مامىتحانوۆا، ارىس قالاسىنىڭ «ىرىس الدى-ىنتىماق» قوعامدىق فورۋمىنىڭ حاتشىسى، كاسىبي ەمەس مەدياتور، قالانىڭ قۇرمەتتى ازاماتى قونىس بالقىبەكوۆ،  قالالىق جانار بايعۋتتيەۆا اتىنداعى ونەر مەكتەبى ديرەكتورىنىڭ ورىنباسارى تەمىرحان  ابدىكوۆتەر ءسوز الىپ، باسقوسۋدىڭ ماڭىزدىلىعىنا توقتالدى. جيىنعا قاتىسۋشىلار تاراپىنان بايانداماشىلارعا سۇراقتار قويىلىپ، تۇشىمدى جاۋاپتار الىندى.

قاراشا ايىنىڭ 19-نان باستاۋ العان شارا 29 قاراشاعا دەيىن جالعاسادى.