الماتىدا “100 جاڭا وقۋلىق” جوباسىنىڭ اياسىندا قازاق تىلىنە اۋدارىلعان ەكى الەمدىك بەستسەللەردىڭ تۇساۋكەسەرى بولدى. ولار: يۋ.ن. ءحاراريدىڭ “Sapiens: ادامزاتتىڭ قىسقاشا تاريحى” (Sapiens: A Brief History of Humankind) جانە ستيۆەن ر.كوۆيدىڭ “جاسامپاز جانداردىڭ 7 داعدىسى” (7 Habits Of Higly Effective People) اتتى ەڭبەكتەر.

بۇل كىتاپتاردى الماتى قالاسى اكىمدىگىنىڭ تاپسىرىسى بويىنشا، “ۇلتتىق اۋدارما بيۋروسى” قوعامدىق قورى مەن “Universities-38” ۋنيۆەرسيتەتتەر اليانسى باسىپ شىعارعان.

بۇگىندە اۋدارما جوباسىندا 18 وقۋلىق اۋدارىلعان. ول وقۋ قۇرالدارى 10 مىڭ دانامەن باسىلىپ، 110 جوو-نا تاراتىلىپتى. ال، قازىرگى ۋاقىتتا 30 كىتاپ قازاقشالانىپ، باسپاعا دايىندالىپ جاتىر.

الماتى قالالىق ىشكى ساياسات ءبولىمىنىڭ باسشىسى نۇرلان سىدىقوۆتىڭ ايتۋىنشا، بيىل كوكتەمدە جوو لاردىڭ باسىن قوسىپ قانداي كىتاپتار اۋدارىلۋى كەرەك دەگەن ماسەلەنى تالقىلانعان. ءسويتىپ، ۇستازدار مەن ستۋدەنتتەردىڭ تاڭداۋى وسى ەكى كىتاپقا ءتۇسىپتى.

راۋان كەنجەحانوۆ، ۇلتتىق اۋدارما بيۋروسى قوعامدىق قورىنىڭ اتقارۋشى ديرەكتورى:

-بۇل  “رۋحاني جاڭعىرۋ” باعدارلاماسىنا الماتى قالاسى اكىمشىلىگىنىڭ قوسقان ۇلەسى. بۇل كىتاپتاردىڭ جۇمىسىنا ون شاقتى رەداكتورلار قاتىستى. ارينە، بۇل تۋىندىلار تۋرالى ساعاتتاپ اڭگىمە ايتۋعا بولادى. بۇل كىتاپ الەمدەگى ەڭ ۇلكەن كىتاپ دۇكەندەرىندە ۇلكەن تيراجبەن ساتىلىپ، تالقىلانىپ، جاتقان بۇگىنگى كۇننىڭ بەستللەرى. ءبىز تۇڭعىش رەت وسىنداي كىتاپتاردى اۋدارىپ قازاق وقىرماندارىنا ۇسىنىپ وتىرمىز. بۇعان دەيىن ءدال قازىر بەستللەر بولىپ جاتقان كىتاپتار بۇلاي تەز اۋدارىلىپ تارالىپ كورگەن جوق. ەندى وسى كىتاپتى - قازاقى ورتادا بەدەلى بار عالىمدار مەن ماماندار وقىپ، ءوز پىكىرلەرىن ورتاعا سالسا دەگەن ويىمىز بار.

جالپى، ء“جۇز وقۋلىق”  جوباسىنىڭ تالاپتارى بويىنشا، تۋىندى 3 باسىلىم بەتىن كورگەن جانە الدىڭعى قاتارلى وقۋ ورىندارىنىڭ باعدارلامالارىندا بولۋى ءتيىس. سونداي-اق، ول باسىلىمدار مازمۇندىق جاعىنان دا بەيتاراپ بولۋ كەرەك. وسىنداي تالاپتار بويىنشا 1,5 جىلدىڭ ىشىندە 800 دەن اسا اتاۋلى  كىتاپقا ۇسىنىس ءتۇسىپتى.

سونىمەن، بۇل كىتاپتاردىڭ قىسقاشا مازمۇنىنا توقتالساق.

ءبىرىنشى -  يۋ.ن. ءحاراريدىڭ “Sapiens: ادامزاتتىڭ قىسقاشا تاريحى” (Sapiens: A Brief History of Humankind)  كىتابى – العاش رەت 2011 جىلى يۆريت تىلىندە باسىلىپ، 2014 جىلى اعىلشىن تىلىنە اۋدارىلدى. كەيىننەن الەمنىڭ 45 تىلىندە 20 دان اسا مەملەكەتتە 7 ملن دانامەن تارالدى. كىتاپ ءجۇز مىڭ جىل بۇرىن ءومىر سۇرگەن التى ءتۇردىڭ ءبىرى Homo sapiens وكىلىنىڭ پايدا بولۋىنان باستاپ، بۇگىنگى كەزەڭگە دەيىنگى ارالىقتى تولىق قامتيدى. سونمەن قاتار، اقشا، مەملەكەتتەر، دىندەر قاشان جانە نە ءۇشىن پايدا بولدى؟ يمپەريالار قالاي قۇرىلدى جانە كۇيرەدى دەگەن سياقتى الۋان ءتۇرلى سۇراقتارعا جاۋاپ بەرەدى.

ال، ەكىنشى كىتاپ - "جاسامپاز جانداردىڭ 7 داعدىسى” (7 Habits Of Higly Effective People) – جەتىستىككە جەتۋدىڭ ادىستەمەسىن ۇسىنعان №1 الەمدىك بەستسەللەر. بۇل تۋىندى الەمنىڭ 40 تىلىندە 30 ميلليون دانامەن تارالعان. جانە 70 تەن اسا ەلدە 13 رەت قايتا باسىلىپ شىققان.

ماماندار الداعى ۋاقىتتا  بۇل كىتاپتاردىڭ اۋديونۇسقاسى دا جاسالاتىنىن جانە بارلىق ءوڭىردىڭ ورتالىق كىتاپحانالارىنا دا جەتكىزىلەتىنىن ايتتى.

نۇربيكە بەكسۇلتانقىزى

Abai.kz