ەلباسى ن.نازارباەۆ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ”  اتتى قازاقستان حالقىنا ارناعان جولداۋىندا سپورتقا دا ەرەكشە ءمان بەرگەنى بەلگىلى.

وسىعان وراي، 24-قاراشا كۇنى تۇركىستان وبلىسىنداعى  ەتنومادەني بىرلەستىكتەر اراسىندا سپارتاكيادا ءوتتى. سايىسقا قاتىسقان بەس كوماندا مۇشەلەرى  شاعىن فۋتبول، ستول تەننيسى، شاحمات، قاشىقتىققا جۇگىرۋ، دويبى  سىندى سپورتتىڭ بەس تۇرىنەن سىنعا ءتۇستى، دەپ حابارلايدى قازاقپارات ءتىلشىسى.

سپارتاكيادانىڭ  اشىلۋ سالتاناتىندا تۇركىستان وبلىستىق قازاقستان حالقى اسسامبلەياسى  حاتشىلىعى مەڭگەرۋشىسىنىڭ  مىندەتىن اتقارۋشى مادينا  كامەدەنوۆا ءسوز سويلەپ،  بارشا قاتىسۋشىلارعا ساتتىلىك تىلەدى. وڭىردەگى ەتنوستاردىڭ دوستىعىن، بەرەكەلى بىرلىگىن ودان ءارى نىعايتۋدا مۇنداي شارالاردىڭ ماڭىزى زور ەكەندىگىنە توقتالدى. وبلىس اكىمى اپپاراتىنىڭ قوعامدىق كەلىسىم كمم باسشىسىنىڭ مىندەتىن اتقارۋشى زاڭعار ۇسىپاحمەتوۆ سپارتاكيادانى ۇيىمداستىرۋداعى ماقسات ۇلتتار اراسىنداعى تاتۋلىقتى دارىپتەۋ ەكەندىگىن، الداعى ۋاقىتتا وسىنداي ءىس-شارالار  جالعاسىن تابا بەرەتىندىگىن ايتىپ ءوتتى.

اسا تارتىستى وتكەن سايىس ناتيجەسىندە باس جۇلدە تۇركىستان قالاسىنىڭ كومانداسىنا بۇيىردى.  ءبىرىنشى ورىندى وبلىستىق وزبەك  ەتنومادەني بىرلەستىگى يەلەنسە، ەكىنشى ورىنعا سايرام اۋدانىنىڭ كومانداسى مىسە تۇتتى. ال، ءۇشىنشى ورىن تۇرىك ەتنومادەني بىرلەستىگىنە بەرىلدى.

جارىس جەڭىمپازدارى مەن جۇلدەگەرلەرى قارجىلاي سىيلىققا يە بولدى.

Abai.kz