بىراق انتيۋتوپيا - سولارعا كەرەعار جانر. بۇل جانر بويىنشا، ادامزاتتىڭ بولاشاعى بۇلىڭعىر، ال بيلىك تيرانعا اينالىپ، تابيعات اپاتشىل بولىپ كەتەدى. اقىرزاماننىڭ جىرشىسى.

جانردىڭ ەتالونى سانالاتىن ءۇش كىتاپتىڭ مازمۇنىنا مۇقيات ءۇڭىلىپ كورەيىك.

ەۆگەني ءزامياتيننىڭ ء"بىز" رومانىنداعى بولاشاقتا باقىت پەن ەركىندىك - كەرەعار ۇعىمدار. ول الەمدە ادامدار سەزىمدى ىسىرىپ قويىپ، جەكە تۇلعالىق قاسيەتتەرىنەن ارىلعانى سونشا - ەشكىمنىڭ اتى جوق، تەك رەتتىك ءنومىرى بار.

ولدوس حاكسليدىڭ "عاجايىپ جاڭا الەم" رومانىنداعى بولاشاقتا ادامدار تاڭداۋ ەركىنەن جۇرداي. ادامنىڭ تۋى جوسپارلانىپ جاتقاندا-اق كىم ەكەنىن، نەمەن اينالىساتىنىن ماڭدايىنا ءمور قىپ باسىپ بەرەدى.

دجوردج ورۋەلدىڭ "1984" رومانىنداعى بولاشاقتا توتاليتار بيلىك شىندىقتى مونوپوليالاپ العان. ادامنىڭ ءار قادامى باقىلاۋدا، ءار ءسوزى تىڭداۋدا، جەگىدەي جەگەن كۇدىگىن ەشكىمگە ايتا الماي، تەك كۇندەلىگىنە جازادى.

جالپى، انتيۋتوپيا اۆتورلارىنىڭ ءبارى سوناۋ پلاتون سيپاتتاپ كەتكەن يدەال مەملەكەتتەن ءنار الادى. پلاتون ادامداردى قابىلەتىنە قاراي كاستالارعا ءبولىپ، ولاردى باسقارۋعا فيلوسوفتى تاعايىنداۋ كەرەك دەپ كەتكەن.

انتيۋتوپيا بولاشاقتىڭ نەگاتيۆ نۇسقالارىن جازىپ-جازىپ، سوندايعا جەتكىزبەۋدى كوزدەيتىن ۆاكتسينا سياقتى كورىنەدى. شىنىندا-اق، قانشا ءداۋىر الماسسا دا ادامزاتتىڭ ءومىرى تەك جاقسارىپ كەلەدى عوي. الدە ولاي ەمەس پە؟

دەگەنمەن، ايتەۋىر ءبىر اپاتتى كۇتۋ مەن كوكجيەكتە كولەگەيلەگەن يادرولىق ساڭىراۋقۇلاقتار قازىرگى جاستارعا اسەر ەتتى. ءتىپتى 100 جىل بۇرىن جازىلعان انتيۋتوپيالىق شىعارمالاردى ءالى جاتا-جاستانىپ وقيدى.

ايتپاقشى، وسىندايدا قازاق ادەبيەتى وتكەنىمەن عانا ءومىر سۇرەتىندەي كورىنەدى. ادامزات بولاشاعى تۇگىلى، قازاقتىڭ بولاشاعى تۋرالى قازاقشا شىعارما جوق ەكەن. ءتىپتى فانتاستيكا جازدى دەيتىن مەدەۋ سارسەكە سياقتى اۆتورلاردىڭ سيۋجەتتەرى تەك وسى شاقتا عانا جازىلىپتى.

وكىنىشتى-اق.

جالعاس ەرتايدىڭ facebook پاراقشاسىنان

Abai.kz