ەلىمىز تۋرالى ناشار پىكىردەگى ادامداردىڭ كوپ بولعانى اۋىر تيەدى ەكەن
قالاي ەكەن؟ قازاقستانعا كەلگەندە اۋىلعا كەلگەندەي بولعان شىعارسىڭ؟ شوكسىڭ با؟ مادەنيەتتىلەردىڭ اڭگىمەسىنەن سوڭ قازاقتاردىڭ اڭگىمەسى قالاي؟ مۇلدە كوشىپ كەتكىڭ كەلىپ جۇرگەن شىعار؟ شىنىمەن ايتشى، دامىماي قالعانبىز ءيا؟ ۇشاقتان تۇسە سالىپ ءبىرتۇرلى سالقىندىقتى سەزدىڭ بە؟ ادامدار دورەكى، مۇلدە جىميمايتىن ەلدەمىز بە؟.... جازا بەرسەڭ كوپ-اق.
امەريكادان كەلە سالا وسىنداي اڭگىمەلەردەن شوشىدىم. قاتتىراق ايتسام، جيىركەنىپ كەتتىم. ودان دا قاتتىراق ايتسام، ۇيالىپ كەتتىم. ەلىمىز تۋرالى ناشار پىكىردەگى ادامداردىڭ كوپ[مەنىڭشە] بولعانى ءبىرتۇرلى اۋىر تيەدى ەكەن.
قازاقتار دورەكى ەكەن دە ءوزى سىپايى ەكەن. باسقا قازاقتار مادەنيەتسىز ەكەن دە ءوزى مادەنيەتتى ەكەن... تۇسىنە المادىم.
ەلدى وزگەرتكىڭ كەلە مە، “امەريكا” قىلعىڭ كەلە مە، وندا كوشەگە قوقىس تاستاماشى، تۇكىرمەشى، داياشىعا قۇلداي قاراما، كولىك جول سۇراسا وتكىزىپ جىبەر.
جوو، جووق مۇنىڭ ءبارى اۋىر بولۋى مۇمكىن. ەڭ وڭايىن ايتايىن، امەريكالىقتار سياقتى تانىماساڭ دا تانىساڭ دا ادامدارمەن امانداسىپ ءجۇرشى.
جووق اا، بۇل دا اۋىر. ەڭ وڭايى سول، “كەشىرىڭىز بەن راقمەتتى” ايتىپ ءجۇرشى ادامدارعا. بۇل دا وڭاي ەمەس پە؟ كوشەدە جاياۋ جۇرگىنشىلەرگە سيگنال باسپاشى، توقتاي قالىپ وتكىزىپ جىبەرشى.
بۇل دا اۋىر ما؟ وندا سەن ءجاي عانا ادامدىق دەڭگەيدە ەمەسسىڭ. امەريكا ەمەس ساعان الدىمەن ادام بولۋ كەرەك!
