ەلباسى “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ”اتتى قازاقستان حالقىنا ارناعان جولداۋىندا بۇقارالىق سپورتتى دامىتۋمەن قاتار ءار اۋلادا سپورت نىساندارىن سالۋ تۋرالى دا ايتقان بولاتىن.

وسىعان وراي، تۇركىستان وبلىسى، سوزاق اۋدانىندا 24 نىسان ەل يگىلىگىنە تاپسىرىلدى. ولاردىڭ قاتارىندا سپورت كەشەنى مەن اللەيا، سپورت جانە بالالار ويىن الاڭشاسى،بالاباقشا بار.

سوزاق اۋدانىنا ارنايى ات باسىن بۇرعان تۇركىستان وبلىسىنىڭ اكىمى جانسەيىت تۇيمەباەۆ اۋداندىق اۋرۋحانا ۇجىمىنا مەديتسينالىق اۆتوكولىكتەردىڭ كىلتىن تاپسىردى. سونداي-اق، شولاققورعان اۋىلىندا ورنالاسقان «تاۋەلسىزدىك» ساياباعىنداعى سوتسياليستىك ەڭبەك ەرلەرى مەن كۇيشى-سازگەرلەرگە ارنالعان ەسكەرتكىش-بيۋست اللەياسىنىڭ اشىلۋ سالتاناتى قاتىسىپ، ءوڭىر تۇرعىندارىن ايتۋلى مەرەكەمەن قۇتتىقتادى.

«سوزاق اۋدانىنىڭ قۇرىلعانىنا 90 جىل تولۋ مەرەكەسىنە وراي ءتۇرلى الەۋمەتتىك نىساندار پايدالانۋعا بەرىلىپ، ءوڭىر تۇرعىندارىنا ۇلكەن تارتۋ جاسالىپ جاتىر. سوزاق اۋدانى الەۋمەتتىك ەكونوميكالىق دامۋى وركەندەگەن ءوڭىر عانا ەمەس، تاريحي تۇلعالاردى دۇنيەگە اكەلگەن جەر. تاريحىمىزدى تانىپ، مەملەكەت دامۋى جولىندا ەڭبەك ەتكەن ازاماتتاردىڭ ماداقتاپ، ەستە ماڭگى قالدىرۋ ءبىزدىڭ باستى مۇراتىمىز»، - دەدى جانسەيىت قانسەيىتۇلى.

جاڭادان اشىلعان نىسانداردىڭ  قاتارىندا قۇمكەنت اۋىلىنداعى سپورت كەشەنى بار.  زاماناۋي ۇلگىدەگى سپورت عيماراتىندا كۇرەس، بوكس، فۋتبول جانە ۆولەيبول سىندى سپورت تۇرلەرىنەن سەكتسيالار جۇمىس ىستەيدى. سونداي-اق، مەرەيتوي قارساڭىندا شولاققورعان اۋىلىنداعى 50 ورىندىق «ايجان» بوبەكجاي بالاباقشاسى، «جىبەك جولى» ساۋدا كەشەنى، قاراعۇر اۋىلىندا «جاستار» ساياباعى، 2 سپورت الاڭى مەن 1 بالالار ويىن الاڭى اشىلدى.

سونىمەن قاتار، بالدىسۋ، راڭ اتا، شاعا، اقسۇمبە ەلدى مەكەندەرىندە مەديتسينالىق پۋنكتتەر، شولاققورعان اۋىلىندا اللەيا، سپورت جانە بالالار ويىن الاڭشاسى مەن «Street Workout» سپورتتىق الاڭىنىڭ تۇساۋى كەسىلدى. سونداي-اق، تاۋكەنت قالاسىندا سپورت الاڭشاسىنىڭ، جارتىتوبە ەلدى مەكەنىندە «استانا قالاسىنا 20 جىل» ساياباعى، سپورت الاڭشاسى مەن بالالار ويىن الاڭى، 75 ورىندىق «اسىلجان» بوبەكجاي باباقشاسى پايدالانۋعا بەرىلدى. بۇدان وزگە، شولاققورعان، جۋانتوبە، جارتىتوبە، سىزعان اۋىلى مەن قىزىلكول ەلدى مەكەنىنىڭ نەگىزگى كوشەلەرى جارىقتاندىرىلدى.

Abai.kz