«تسيفرلىق قازاقستان» باعدارلاماسىن مەملەكەت باسشىسى حالىققا ارناعان جولداۋىندا ەرەكشە اتاپ وتكەن بولاتىن. اقپاراتتىق تەحنولوگيالاردىڭ قارىشتاپ دامىپ بارا جاتقان مىنا زامانىندا IT سالاسىن دامىتپاساق، دامىعان 30 ەلدىڭ قاتارىنان كورىنۋ بىزگە جاي ارمان بوپ قالارى انىق. ويتكەنى، وركەنيەتتى ەلدەردىڭ بارلىعى وسى ساندىق جۇيەگە كوشىپ، ونەركاسىبىنىڭ دامۋىن جانە حالقىنىڭ ءال-اۋقاتىن جىلدان-جىلعا جاقسارتىپ كەلەدى.

بۇگىن وتىرارار اۋدانى ءشامشى قالداياقوۆ اتىنداعى مەكتەپ-گيمنازياسىندا IT-سىنىپ اشىلدى. سىنىپتا وقۋشىلاردى   روبوتوتەحنيكا،  3 د مودەلدەۋ، انيماتسيالىق فيلمدەر مەن كيبەرسپورتتىق ويىندار جاساۋ ىسىنە باۋلىماق.

وتىرار اۋدانى اكىمىنىڭ ءباسپاسوز قىزمەتىنىڭ حابارلاۋىنشا، «تسيفرلى قازاقستان» جوباسى اياسىندا اشىلعان IT-سىنىپ «نۇر وتان» پارتياسى تۇركىستان وبلىستىق فيليالى جانە وتىرار اۋدانى اكىمدىگىنىڭ قولداۋىمەن جۇزەگە اسقان.

سالتاناتتى اشىلۋعا  «نۇر وتان» پارتياسى تۇركىستان وبلىستىق فيليالى توراعاسىنىڭ ءبىرىنشى ورىنباسارى نۇرماحان جولداسوۆ پەن اۋدان اكىمى ەرلان ايتاحانوۆ ارنايى قاتىسىپ، لەنتاسىن قيدى.

شارادا قازاقستاننىڭ حالىق اقىنى اسەلحان قالىبەكوۆا قيالى جۇيرىك، قاعىلەز بالالاردىڭ الداعى جۇمىستارىنا ساتتىلىك تىلەسە،  نۇرماحان مياتۇلى جوبانى قولداپ، جۇزەگە اسىرعان اۋدان اكىمدىگىنە  ريزاشىلىعىن ءبىلدىردى. جيىندا اۋدان اكىمى، اۋداندىق پارتيا فيليالىنىڭ توراعاسى ەرلان قۋانىشۇلى بارشا شاكىرتتەردى قۇتتىقتادى.
— «ەلباسىمىز نۇرسۇلتان نازارباەۆتىڭ سەنىم بىلدىرگەن ءححى عاسىردىڭ جاستارى، ياعني وقۋشىلارىمىز ءىت سىنىپتاردا وزىق تەحنولوگيالاردى مەڭگەرىپ، ۇيرەنۋى كەرەك.  ءىت سىنىپتار اشىلۋى مۇنىمەن شەكتەلىپ قالماي اۋداننىڭ بارلىق ءبىلىم بەرۋ مەكەمەلەرىن قامتيتىن بولادى. بۇل كەلەر ۇرپاقتىڭ باسەكەگە قابىلەتتىگىن ارتتىراتىنى ءسوزسىز»،- دەدى اۋدان اكىمى.

مۇنان سوڭ قۇرمەتتى قوناقتارعا مەكتەپ وقۋشىلارى وزدەرىنىڭ تۋىندىلارىن كورسەتىپ، تانىستىردى. نۇرشۋاق سەيتىسحان قوزعالتقىشى ەلەكترلى اۆتوكولىكتىڭ مودەلىن تانىستىرسا، التىنبەك بەگىسبەك، نۇرباق ءسابيت، ەرنار بەرىك، جاننۇر بازارباي، ادەمى شايىربەكتەر انيماتسيالىق ويىنداردى دايىنداپ،  پەريحان بازاربەك ۇلتتىق سپورتىمىز «اسىق اتۋدىڭ» كومپيۋتەرلىك نۇسقاسىن ۇسىندى. ال، باعداۋلەت قالجىگىت، قۇتبەك تولەگەن، ەرسۇلتان جانە مۇحامەدجان بەكسەيىتتەر ارنايى قۇراستىرعان روبوتتارىنىڭ مۇمكىندىكتەرىن كورسەتتى.

ەگەمەن ەلدىڭ ەرتەڭى سانالعان بۇگىنگى جاستاردىڭ بولاشاعىنا سەنىممەن قاراعان قوناقتار تالاپتارىنا اق جول تىلەدى.

Abai.kz