ەلباسى ن.نازارباەۆتىڭ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىۋ” اتتى قازاقستان حالقىنا ارناعان جولداۋىندا حالىقتى ساپالى اۋىز سۋمەن قامتاماسىز ەتۋ تۋرالى دا ايتىلعان بولاتىن.

وسىعان سايكەس، تۇركىستان وبلىسى، ماقتاارال جانە جەتىساي اۋداندارىندا 252 شاقىرىمدىق سۋ جۇيەسى قايتا تازارتىلدى.ەكى اۋدانداعى 3 بىردەي  كانالدىڭ 38 شاقىرىمى جوندەلىپ، ارناسى بەتوندالعان.

بيىل سۋ مول بولعاندىقتان، شارۋالار ەكى رەت ەگىن سالىپ، مول ونىم جينادى. جەر ەمگەن ديقانداردىڭ دا كوڭىلى كوتەرىڭكى.ماقتا بىتىك شىقتى. شارۋالار: «ماقتا 2-3 مارتە سۋ ىشەدى. سۋدى ۋاقىتىلى جەتكىزگەننىڭ ارقاسىندا بيىل 2-3 ەسە جاقسى ونىم الدىق.مەملەكەتتەن قارجى بولىندى. جىلداعىداي ەمەس، سۋ جەتكىلىكتى بولعاندىقتان، ماقتا جىلدام ارى جاقسى جەتىلدى» - دەيدى.

مەملەكەت باسشىسى بيىل ماقتالى القاپتىڭ ديقاندارى سۋدان تارىقپاس ۇشىن تاجىكستان پرەزيدەنتىمەن كەلىسىپ،وسى وڭىرگە قوسىمشا سۋ جىبەرگىزگەن بولاتىن. سونىڭ ناتيجەسىندە كەيبىر شارۋاشىلىقتار ەگىستىك جەرىنەن ەكىنشى رەت ونىم الدى.ەرتە كوكتەمدە قىرىققابات ەككەن شارۋالار ونى ساۋىر ايىندا جيناپ الىپ، ورنىنا ماقتا وتىرعىزعان. ونى دا تولىق جيناپ الدى.بيىل سۋ مول بولعاندىقتان، ەگىنشىلەر يەلىگىندەگى جەردى تولىق يگەرگەن.

بيىل جەتىساي مەن ماقتاارالدىق شارۋالار 1 ملرد. 900 ملن. تەكشە مەتر سۋ پايدالانعان. بۇل وتكەن جىلدارمەن سالىستىرعاندا 1,5-2 ەسەگە كوپ. مەليوراتسيالىق كەشەندى جۇمىستاردىڭ ناتيجەسىندە ايماقتاعى 30 مىڭ گەكتار سۋارمالى جەردىڭ جاعدايى جاقساردى. سونداي-اق كەزىندە اعىن سۋدىڭ جەتكىلىكسىزدىگىنەن ەگىسكە جاراماي قالعان تاعى 5 مىڭ گەكتار جەر قايتا يگەرىلدى.

«وڭتۇستىكسۋشار» رمك ايماقتىق بولىمشە باسشىسى شادات وماروۆتىڭ ايتۋىنشا، اۋداندا 300 تىك درەناج بار ەكەن. ولاردىڭ بارلىعى جۇمىس ىستەپ، 6 اۋىل اكىمدىگىنىڭ اۋماعىندا جەراستى سۋىنىڭ دەڭگەيى ۋاقىتىلى تومەن تۇسىرىلگەن. جەردىڭ قۇنارىن ارتتىرۋعا ول دا قولايلى جاعداي تۋعىزىپتى.

جالپى، بيىل ماقتاارال مەن جەتىساي اۋداندارىندا 3 بىردەي كانالدىڭ 38 شاقىرىم جەرى جوندەلىپ، ارناسى بەتوندالدى. سونىمەن بىرگە 252 شاقىرىم سۋ جۇيەسى تازارتىلدى. سونىڭ ارقاسىندا شارۋالار جاز بويىنا اعىن سۋدان تاپشىلىق كورمەدى. ەكى اۋداندا 2 مىڭ شاقىرىمنان استام سۋ جۇيەسى بار. جەراستى سۋىنىڭ دەڭگەيىن تومەندەتۋ ءۇشىن قويىلعان 731 درەناج جۇمىس ىستەيدى. جىل سوڭىنا دەيىن تاعى 51 كانالدىڭ 214 شاقىرىم جەرى جوندەلمەك.

Abai.kz