ەلباسى ن.نازارباەۆتىڭ “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىۋ” اتتى قازاقستان حالقىنا ارناعان جولداۋىندا ونىمدەرىمىزدى شەت ەلدەرگە ەكسپورتتاۋدىڭ ەكونوميكامىزعا تيگىزەتىن پايداسى زور ەكەنىن اتاپ ءوتتى.

وسىعان وراي، تۇركىستان وبلىسى، ورداباسى اۋدانىندا جينالعان «اق التىن» ونىمدەرى چەحيا، بەلورۋسسيا مەن مولدوۆا ەلدەرىنە جونەلتىلىپ جاتىر. قازىر كاسىپكەرلەر بۇنىمەن شەكتەلمەي، وزگە مەملەكەتتەردەن دە تاپسىرىس قابىلداپ جاتىر ەكەن.

ماقتا تەرىمى ناۋقانى قىزعان شاقتا ورداباسىلىق ديقاندار كۇن-ءتۇن دەمەي «اق التىندى» توكپەي-شاشپاي شىعىنسىز جيناپ الۋدىڭ قامىنا كىرىستى. شۇكىر، ەڭبەك اقتالىپ، جەرگىلىكتى شارۋالاردىڭ ەككەن ونىمدەرىنە شەتەلدىكتەر قىزىعۋشىلىق تانىتا باستادى.

بيىل ورداباسى اۋدانىندا ماقتا القابى بىلتىرعىعا قاراعاندا ۇلعايعان. 7 مىڭ گەكتاردان اسا القاپقا «اق التىن» ءشيتىن سەپكەن ديقاندار قازىردىڭ وزىندە 17 مىڭ توننا ءونىم جيناپتى. ماقتا تەرىم ناۋقانىنا 83 كومباين جۇمىلدىرىلعان. دەگەنمەن ماقتا ءتۇسىمى بىلتىرعىداي ەمەس. وتكەن جىلى ءار گەكتاردان ورتاشا ەسەپپەن 26 تسەنتنەردەن ءونىم جيناعان ورداباسىلىق ديقاندار بيىل ءار گەكتاردان 23 تسەنتنەر ماقتا الىپ وتىر. «بىراق ماقتا باعاسى كوڭىلدەن شىعادى»، - دەيدى جەرگىلىكتى شەنەۋنىكتەر. ماسەلەن، ورداباسى اۋداندىق اۋىل شارۋاشىلىعى ءبولىمى باسشىسىنىڭ ورىنباسارىنۇرلان ابىلقاسىموۆ: «بىلتىر ماقتا باعاسى 120-130 تەڭگەدەن بولعان، قازىر 180 تەڭگەگە كوتەرىلدى. كەي ماقتا قابىلداۋ بەكەتتەرى 182 تەڭگەدەن دە قابىلداپ جاتىر» دەپ وتىر.

قازىر اۋدانداعى 4 ماقتا قابىلداۋ بەكەتىندە جۇمىس قىزۋ. شارۋالار ەندى ەكىنشى تەرىمگە كىرىسپەك. وتكەن جىلى ورداباسىلىق شارۋالار 18 مىڭ توننادان استام «اق التىن» جيناعان.ءساتىن سالسا، بيىلعى ءونىم كولەمى دە بىلتىرعىدان از بولمايتىن كورىنەدى.

Abai.kz