ەلباسى نۇرسۇلتان نازارباەۆ جىل سايىنعى حالىققا ارناعان جولداۋىندا دەنساۋلىق سالاسىن نازاردان تىس قالدىرمايدى. بيىل دا  “قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ” اتتى قازاقستان حالقىنا ارناعان كەزەكتى جولداۋىندا تۇرعىنداردىڭ دەنساۋلىق ماسەلەسىنە ەرەكشە ءمان بەرگەنى بەلگىلى.

جانە، 2019 جىلدىڭ 1 قاڭتارىنان باستاپ اۋرۋلاردى ەمدەۋ ءىسىن باسقارۋدىڭ جاڭا تاسىلدەرىن ەنگىزگەن ۋچاسكەلىك مەديتسينا قىزمەتكەرلەرىنىڭ جالاقىسىن كەزەڭ-كەزەڭمەن 20 پايىزعا كوبەيتۋدى تاپسىرعان بولاتىن.

وسىعان سايكەس، جۋىردا تۇركىستان وبلىستىق كلينيكالىق اۋرۋحاناسىنا الماتى قالاسىنىڭ  حيرۋرگيا ينستيتۋتى كەۋدە حيرۋرگياسى جانە پۋلمانولوگيا دەپارتامەنتىنىڭ جەتەكشىسى تەمۋر ەشمۇراتوۆ بارىپ، وتا جاساعان بولاتىن. تاجىريبە الماسۋ ماقساتىندا جۇرگىزىلگەن وتانىڭ ەرەكشەلىگى — زاماناۋي ۆيدەوتوراكوسكوپيا ءادىسىن قولدانۋ بولدى.

وسىعان دەيىن وكپەنىڭ ءبىر بولىگىن الىپ تاستاۋ وپەراتسياسى ەسكى تاسىلمەن جاسالىپ كەلگەن. ياعني، كەۋدەنى كەسىپ، اشۋ ارقىلى جۇزەگە اسىرىلعان. ەندى ولار ەندوسكوپيا قۇرىلعىسىنىڭ كومەگىمەن بار بولعانى ءۇش سانتيمەترگە كەۋدەنى كەسىپ، وكپەنىڭ ءبىر بولىگىن جىلدام الىپ تاستايدى. جاڭا ءادىستىڭ بىرنەشە ارتىقشىلىعى بار.

ماسەلەن، وتا جەڭىل جاسالىنادى. ءارى ناۋقاس ەكى اپتانىڭ ىشىندە ەمىن-ەركىن ءجۇرىپ تۇرۋعا مۇمكىندىك الادى. ايتا كەتەيىك، مۇنداي تەحنولوگيا وڭتۇستىك كورەيا، قىتاي، اقش جانە ەۋروپا ەلدەرىندە قولدانىلادى.

Abai.kz