ەلباسى نۇرسۇلتان نازارباەۆتىڭ 5 الەۋمەتتىك باستاما جوباسى تۇرعىنداردىڭ الەۋمەتتىك جاعدايىن كوتەرۋگە باعىتتالعان ناقتى تاپسىرمالاردان تۇرالى. وسىعان سايكەس، تۇركىستان وبلىسىنىڭ تولەبي اۋدانىندا ەلەكتر جۇيەلەرىن جاڭارتۋ جۇمىستارى جاسالعان.

جالپى، بۇل وڭىردە 2018 جىلعا ارنالعان ينۆەستيتسيالىق باعدارلاما بويىنشا 75,61 شاقىرىم جەلىلەردى جاڭارتىپ، تەمىر-بەتوندى باعاناعا الماستىرۋ جانە 6 جاڭا ترانسفورماتوردى ورناتۋ جوسپارلانعان.

بۇگىندە اتالعان اۋداندا ۇزىندىعى – 31,2 شاقىرىم جەلى جاڭارتىلىپ، تەمىر-بەتوندى باعانالارعا الماستىرىلعان. سونىمەن قاتار، ءتورت ترانسفورماتور قۇرىلعىسى جاڭارتىلدى. بۇل جۇمىستار تولەبي اۋداندى əكىمدىگىمەن «وڭتۇستىك جارىق ترانزيت» جشس-گى بىرلەسە اتقارىپ وتىر.

جالپى اۋدانداعى ەلەكتر جۇيەلەرىنىڭ ۇزىندىعى - 1342,8 شاقىرىمدى قۇراسا، ونىڭ 828,3 شاقىرىمى قاناعاتتانارلىق جاعدايدا.

بۇدان باسقا، اۋدان حالقىن ساپالى ەلەكتر ەنەرگيامەن قامتاماسىز ەتۋ ماقساتىندا جەرگىلىكتى بيۋدجەت ەسەبىنەن 11 جوبانىڭ جسق-سى ازىرلەنۋدە.

اتالعان جۇمىستار كەزەڭ-كەزەڭىمەن جۇزەگە اسقان ۋاقىتتا لەنگەر قالاسى جانە 10 اۋىلدىق وكرۋگكە قاراستى 32 ەلدى مەكەندەگى 67 كوشەنىڭ، ياعني 10 240 تۇرعىن ساپالى ەلەكتر ەنەرگياسىمەن قامتىلاتىن بولادى.

Abai.kz