ەلباسى نۇرسۇلتان نازارباەۆ تۇركىستان وبلىسىنا ەرەكشە نازار اۋدارا وتىرىپ، “جاڭادان قۇرىلعان وبلىستا جاڭا ءتارتىپ بولاتىن بولسىن” دەگەن تاپسىرما بەرگەن ەدى. وسى تاپسىرماعا سايكەس، بۇگىندە بۇل وڭىردەگى قۇقىق بۇزۋشىلىقتاردىڭ الدىن الۋ جۇمىستارى قارقىندى جۇرگىزىلىپ كەلەدى.

وسىعان وراي، جۋىردا تۇركىستان قالاسىنداعى وبلىس اكىمدىگىنىڭ ءماجىلىس زالىندا وڭىردەگى تەرروريزمگە قارسى كۇرەس، قۇقىق بۇزۋشىلىق پروفيلاكتيكاسى جانە سىبايلاس جەمقورلىققا قارسى جۇمىستارىنىڭ تيىمدىلىگى، سونداي-اق ونى جەتىلدىرۋ جولدارى مەن پروبلەمالىق ماسەلەلەرى قارالعان بولاتىن.

كوميسسيا قورىتىندىسىندا وبلىس اكىمى ج.تۇيمەباەۆ مەملەكەتتىك مەكەمەلەردىڭ ءبىرىنشى باسشىلارىنا قازاقستان رەسپۋبليكاسىنىڭ «تەرروريزمگە قارسى ءىس-قيمىل تۋرالى» زاڭىن مۇلتىكسىز ورىندالۋىن قامتاماسىز ەتۋدى تاپسىردى. سونداي-اق، قر ءدىني ەكسترەميزم مەن تەرروريزمگە قارسى ءىس-قيمىل جونىندەگى 2018-2022 جىلدارعا ارنالعان مەملەكەتتىك باعدارلامانىڭ ورىندالۋى بويىنشا ءتيىستى شارالار قابىلداۋدى مىندەتتەپ، تەرروريستىك تۇرعىدان وسال وبەكتىلەردىڭ تىزبەسى اياسىندا قاۋىپسىزدىك شارالارىنا قاتىستى ءتيىستى تەكسەرۋلەر جۇرگىزۋدى جۇكتەدى.

سونىمەن بىرگە، جيىندا وبلىس اۋماعىنداعى اۋىر جانە اسا اۋىر قىلمىستار مەن زاڭسىز كوشى-قوننىڭ الدىن الۋعا باعىتتالعان شارالار باياندالدى. وڭىر باسشىسى قۇقىق بۇزۋشىلىق پروفيلاكتيكاسى جۇمىستارىنىڭ تيىمدىلىگىن ودان ءارى جەتىلدىرۋ بويىنشا دا بىرقاتار تاپسىرمالار بەردى. ماجىلىس سوڭىندا قۇزىرلى ورگان باسشىلارى سىبايلاس جەمقورلىققا قارسى اتقارىلىپ جاتقان جۇمىستارىن بايانداپ، الداعى مەرزىمگە ارنالعان ارنايى شارالار جوسپارىن قابىلدايتىنىن مالىمدەدى.

Abai.kz