بيىل ناۋرىزدا پارلامەنت پالاتالارىنىڭ بىرلەسكەن وتىرىسىندا ەلباسى نۇرسۇلتان نازارباەۆ قازاقستان حالقىنا «پرەزيدەنتتىڭ بەس الەۋمەتتىك باستاماسى» اتتى جاڭا الەۋمەتتىك باستامالاردى تانىستىردى، ونىڭ ءبىرى - ەلدى گازبەن قامتاماسىز ەتۋدى جالعاستىرۋ بولاتىن.

تۇڭعىش پرەزيدەنت كۇنى قارساڭىندا قازىعۇرتتىقتار قۋانىشقا كەنەلدى. مەرەكە قارساڭىندا اۋداننىڭ 16 ەلدى-مەكەنىنە تابيعي گاز تارتىلدى. ءسويتىپ ءبىر مەزەتتە 4100 تۇرعىن كوگىلدىر وتىنعا قول جەتكىزىپ وتىر. ەندى گاز كىرگىزگەن اۋىلداردىڭ تۇرعىندارى كومىر تاسىپ كۇل شىعارۋ بەينەتىنەن قۇتىلدى.

ەلباسى نۇرسۇلتان نازارباەۆتىڭ تاپسىرماسىمەن حالىقتىڭ الەۋمەتىن ارتتىراتىن جوبالار قارقىن الدى. مەملەكەتتىك باعدارلامالار شەڭبەرىندە  ەلدى-مەكەندەرگە تابيعي  گاز قۇبىرى جۇرگىزىلدى. مەرەكە قارساڭىندا، كوكىبەل التىنتوبە، تۇربات اۋىلى سىندى سەگىز اۋىلدى كوگىلدىر وتىنعا قوسۋ جوسپاردا بار. جالپى جىل سوڭىنا دەيىن اۋدانداردى كوگىلدىر وتىنمەن قامتۋ كورسەتكىشى 73 پايىزعا جەتپەك.

باقبەرگەن قۇرالباەۆ – قازىعۇرت اۋداندىق تۇرعىن ءۇي-كومۋنالدىق شارۋاشىلىق جانە اۆتوموبيل جولدارى ءبولىمىنىڭ باسشىسى

اۋداننىڭ بەكىتىلگەن جوسپارىنا سايكەس. 2019 جىلى 2 ەلدى-مەكەنگە، 2020 3 ەلدى-مەكەنگە 2021 جىلى 9 كەلدى-مەكەگە گاز بەرىلەدى دەپ جوسپارلاپ وتىرمىز. وسىنىڭ بارلىعى ىسكە اسقان جاعدايدا جالپى اۋداننىڭ 95 پايزى گازبەن  قامتاماسىز ەتىلەدى.  

ساپاربەك ماقۇلباەۆ - سابىر راقىموۆ اۋىلىنىڭ اكىمى

بۇگىنگە كوكىبەل ەلدى-مەكەنىندە گازدى بەرۋدى باستادىق. بۇگىن 9 شرپ قوسىپ، گاز بەرىلەدى. قىزىلقيا مەن كوكىبەل اۋىلىنا جىل سوڭىنا دەيىن تولىقتاي گاز بەرىلەدى دەپ جوسپارلاپ وتىرمىز. 

قىتىمىر قىستا كوك ءتۇننىڭ استىنا قالىپ، كومىر تاسىمايتىنداردىڭ قاتارىندا ايحان اسۋباەۆا دا بار. اۋىل تۇرعىنى كوگىلدىر وتىننىڭ كەلۋىن  جىلداپ كۇتكەنىن ايتادى.

ايحان اسۋباەۆا - كوكىبەل اۋىلىنىڭ تۇرعىنى.

اۋىر ازاپتان قۇتىلدىق. سۋىمىز ۇيگە كەلىپ تۇر، تابيعي گازىمىز بار، بۇدان ارتىق نە كەرەك؟! بىزگە وسىنداي قۋانىش سىيلاعان ەلباسىمىزبەن جەرگىلىكتى بيلىككە ريزاشىلىعىمىزدى بىلدىرەمىز

اۋداندا ىلكىمدى ىستەر از ەمەس. كيەلى مەكەندە جول، جارىق پەن اۋىز ماسەلەسى دە شەشىمىن تابۋدا. بۇل دەگەنىمىز، ەلباسىنىڭ جۇكتەلگەن  مىندەتتەرى كەزەڭ-كەزەڭىمەن ىسكە اسىپ كەلەدى.

ا. بيدان      

Abai.kz