بيىل ناۋرىزدا پارلامەنت پالاتالارىنىڭ بىرلەسكەن وتىرىسىندا ەلباسى نۇرسۇلتان نازارباەۆ قازاقستان حالقىنا «پرەزيدەنتتىڭ بەس الەۋمەتتىك باستاماسى» اتتى جاڭا الەۋمەتتىك باستامالاردى تانىستىردى، ونىڭ ءبىرىنشىسى - اربىر وتباسىنا باسپانا الۋدىڭ جاڭا مۇمكىندىكتەرىن بەرۋ بولاتىن.

تۇركىستان وبلىسىندا «نۇرلى جەر» باعدارلاماسى اياسىندا تۇرعىن ءۇي قۇرىلىسى قارقىندى جۇرۋدە. وتكەن جىلى باعدارلامانىڭ بەس باعىتى بويىنشا 721 مىڭ شارشى مەتر تۇرعىن ءۇي پايدالانۋعا بەرىلدى.باسپانامەن قامتۋ جايى تۇلكىباس اۋدانىندا دا ۇلكەن سەرپىنمەن جۇزەگە اسىپ جاتىر.

مەملەكەتتىك «نۇرلى جەر» باعدارلاماسىنىڭ بارلىق باعىتى حالىقتى باسپانامەن قامتاماسىز ەتۋگە ارنالعان.سونىڭ تورتىنشىسىندە الەۋمەتتىك جاعداي تومەن وتباسىلارىن تۇرعىن ۇيمەن قامتاماسىز ەتۋ ماسەلەسى قويىلعان.تۇلكىباس اۋدانىندا كوپ قاباتتى تۇرعىن ءۇي قۇرىلىسى 2016 جىلدان قىرقىن الا باستادى.وسى جىلى وبلىس بيۋدجەتىنەن 685 ميلليون تەڭگە قارجى قاراستىرىلدى.بۇگىندە اۋداندا 1مىڭ 662 ادام  تۇرعىن ءۇي كەزەگىندە تۇر.

ايدار تولەپبەرگەنوۆ –تۇلكىباس اۋداندىق قۇرىلىس ساۋلەت جانە قالا قۇرىلىسى ءبولىمىنىڭ سەكتور مەڭگەرۋشىسى

اۋداندا باسپانا كەزەگىندە تۇرعانداردىڭ سانى جىلدان جىلعا ازايىپ كەلەدى.2016 جىلدان بەرى مەملەكەتتىك بيۋدجەت ەسەبىنەن اۋدان اۋماعىندا 5 مىڭ 884 شارشى مەتر تۇرعىن ءۇيدىڭ قۇرىلىسى ءجۇردى.  96 پاتەر پايدالانۋعا بەرىلدى. تۇلكىباستا تۇرعىن ۇيدەن بولەك الەۋمەتتىك مادەني نىساندار سالۋ قۇرىلىسى دا قارقىندى جۇرۋدە.داۋان اۋىلىندا ءتۋريزمدى دامىتۋ ماقساتىندا ەتنوپاركتىڭ قۇرىلىسى اياقتالۋعا جاقىن.

سۇلتانبەيبارىس قاراقۇلوۆ -تۇلكىباس اۋداندىق  كاسىپكەرلىك ءبولىمىنىڭ باس مامانى

قۋانارلىعى وسى «ەتنو پارك» ارقىلى ۇلتتىق قۇندىلىقتارىمىز دارىپتەلمەك.اينالا سالىنعان كيەلى كيىز ۇيلەرى سوناۋ ساق داۋىرىنەن بەرگى اتا-بابا سالتىنا ساي بەزەندىرىلمەك.بۇل شەت ەلدىك تۋريستەردى قىزىقتىراتىن انىق.

س.قۇتتىبايۇلى 

Abai.kz