بيىل ناۋرىزدا پارلامەنت پالاتالارىنىڭ بىرلەسكەن وتىرىسىندا ەلباسى نۇرسۇلتان نازارباەۆ قازاقستان حالقىنا «پرەزيدەنتتىڭ بەس الەۋمەتتىك باستاماسى» اتتى جاڭا الەۋمەتتىك باستامالاردى تانىستىردى، ونىڭ ءبىرى - جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ، ستۋدەنت جاستاردىڭ جاتاقحاناداعى جاعدايىن جاقسارتۋ بولاتىن.

بۇعان قوسا ەلباسى «تسيفرلىق قازاقستان» باعدارلاماسىن حالىققا ارناعان جولداۋىندا ەرەكشە اتاپ وتكەن بولاتىن. اقپاراتتىق تەحنولوگيالاردىڭ قارىشتاپ دامىپ بارا جاتقان مىنا زامانىندا IT سالاسىن دامىتپاساق، دامىعان 30 ەلدىڭ قاتارىنان كورىنۋ بىزگە جاي ارمان بوپ قالارى انىق. ويتكەنى، وركەنيەتتى ەلدەردىڭ بارلىعى وسى ساندىق جۇيەگە كوشىپ، ونەركاسىبىنىڭ دامۋىن جانە حالقىنىڭ ءال-اۋقاتىن جىلدان-جىلعا جاقسارتىپ كەلەدى.

تسيفرلاندىرۋ – جۇمىستى جەڭىلدەتەدى. ەڭبەك كۇشىن ازايتادى. وسى ماقساتتا وبلىستا العاش رەت «ستۋدەنتتەرگە قىزمەت كورسەتۋ ورتالىعى»اشىلدى. جوعارى اگرارلىق كوللەدج قابىرعاسىنان اشىلعان ورتالىق قالانىڭ تاسساي تۇرعىن ءۇي الابىنىڭ تۇرعىندارىنا دا قىزمەت كورسەتەتىن بولادى.

تسيفرلاندىرۋ جۇيەسىمەن بارلىق سالاداعى مۇمكىندىكتەردى پايدالانۋعا بولادى. مەملەكەت باسشىسى ن.نازارباەۆ ءوز جولداۋىندا وسىعان باسىمدىق بەردى. ءسويتتى دە 2020 جىلعا دەيىن مەملەكەتتىك قىزمەتتىڭ 90 پايىزى ەلەكتروندى جۇيەگە كوشىرۋدى تاپسىردى. تسيفرلاندىرۋدىڭ مول مۇمكىندىگىن العاشقىلاردىڭ ءبىرى جوعارى اگرارلىق كوللەدجى باستاپ كەتتى. كوللەدج ىشىنەن ستۋدەنتتەرگە قىزمەت كورسەتۋ ورتالىعىن اشتى.

مۇندا مەملەكەتتىك قىزمەتتىڭ 40-تان استام ءتۇرىن الۋعا بولادى. ستۋدەنتتەردىڭ ۋاقىتىن ءتيىمدى پايدالۋىن كوزدەگەن باستامانىنىڭ شاراپاتىن ستۋدەنتتەر كورۋدە. «Smart-كوللەدج»، «AGRAR-APP» اتتى ءموبيلدى قوسىمشاسىن ىسكە قوسقان. وسى قوسىمشا ارقىلى ستۋدەنتتەر ساباق كەستەسىن، وقۋ ۇلگەرىمىنە بايلانىستى اقپاراتتارعا قول جەتكىزە الادى.

اسەل قۇرباناليەۆا - جوعارى اگرارلىق كوللەدجىنىڭ ستۋدەنتى

گاۋحار بەكبەرگەنوۆا – جوعارى اگرارلىق كوللەدجىنىڭ ديرەكتورى

ستۋدەنتتەردەن وزگە بۇل ورتالىقتىڭ قىزمەتىن تاسساي تۇرعىنۇي الابىنىڭ تۇرعىندارى دا قولدانا الادى. ول ءۇشىن «ازاماتتار ارنالعان ۇكىمەتى» مەملەكەتتىك كورپوراتسياسىنىڭوڭىردەگى فيليالىنان كوللەدجدىڭ ءۇش قىزمەتكەرى ءبىلىم العان. بۇگىنگى جيىندا ولار ءوز سەرتيفيكاتىن الدى. بۇل ءوز كەزەگىندە سىبايلاس جەمقورلىقتىڭ الدىن الادى.

عالىم تۇرسىنباەۆ – قر مەملەكەتتىك قىزمەت ىستەرى جانە جەمقورلىققا قارسى ءىس-قيمىل اگەنتتىگى تۇركىستان وبلىسى بويىنشا دەپارتامەنتىنىڭ  باسشىسى

ستۋدەنتتەرگە قىزمەت كورسەتەتىن ورتالىق ءبىلىم باسقارماسىنىڭ تىكەلەي قولداۋىمەن ىسكە قوسىلىپ وتىر. الداعى ۋاقىتتا وڭىردەگى باسقا دا وقۋ ورىندارىندا اتالمىش ورتالىق اشىلاتىن بولادى.

ر.باقىتحانقىزى 

Abai.kz