بيىل ناۋرىزدا پارلامەنت پالاتالارىنىڭ بىرلەسكەن وتىرىسىندا ەلباسى نۇرسۇلتان نازارباەۆ قازاقستان حالقىنا «پرەزيدەنتتىڭ بەس الەۋمەتتىك باستاماسى» اتتى جاڭا الەۋمەتتىك باستامالاردى تانىستىردى، ونىڭ ءبىرى - جوعارى ءبىلىم الۋدىڭ قولجەتىمدىلىگى مەن ساپاسىن ارتتىرىپ، ستۋدەنت جاستاردىڭ جاتاقحاناداعى جاعدايىن جاقسارتۋ بولاتىن. قازاقستاننىڭ ءبىلىم بەرۋ جۇيەسىندەگى وڭ وزگەرىستەرگە ارنالعان ءبىلىم سالاسىنداعى ەلباسى باستاماسى ەلدەگى جاستاردىڭ عانا ەمەس جاسوسپىرىمدەردىڭ دە ساپالى ءبىلىم الۋىنا مۇمكىندىك تۋعىزدى.  

جەتىساي اۋدانىنداعى ىنتىماق ەلدى مەكەنى بالالارىنىڭ قۋانىشىندا شەك جوق. بۇرىن ەسكى مەكتەپتە قىسىلىپ - قىمتىرىلىپ ءتالىم الىپ كەلگەن وقۋشىلار جاڭا مەكتەپكە قونىس اۋداردى. زاماناۋي ۇلگىدە سالىنعان ءبىلىم وشاعىندا وقۋشىلاردىڭ ساپالى ءبىلىم الۋى ءۇشىن قاجەتتى جابدىقتار تولىقتاي قامتاماسىز ەتىلگەن.

تۇرار رىسقۇلوۆ اتىنداعى جالپى ورتا مەكتەپتىڭ وقۋشىلارى بۇرىن مىنا الاسا مەكتەپتە،  تالاسا ءتالىم الىپ كەلگەن. ءۇش اۋىسىمدا ءبىلىم بەرەتىن مەكەمەدە ولقىلىقتار كوپ ەدى. ەندى بيىلدان باستاپ زاماناۋي قۇرال  جابدىقپەن قامتىلعان جاڭا مەكتەپتە دارا ءتالىم الاتىن بولدى.

كاميلا قۇرال – تۇرار رىسقۇلوۆ اتىنداعى جوم وقۋشىسى

مەكتەپ ۇجىمىن بۇگىنگى قۋانىشىمەن قۇتتىقتاعان وبلىس اكىمى جاڭا، زاماناۋي تالاپقا جاۋاپ بەرەتىن مەكتەپتىڭ سىنىپتارىن ارالاپ كوردى. ونداعى شاكىرتتەرمەن تىلدەسىپ، ولاردىڭ ساباقتارىن ۇزدىك وقىپ، ەلىمىزدىڭ ۇلگىلى ازاماتتارى بولۋعا شاقىردى. قۋانىشتى بولىسكەن  ءوڭىر باسشىسى بالالارعا  باتىر دا، اقىن دا، اكىم دە الاقانداي اۋىلدان شىعاتىنىن ءتۇسىندىردى.

تۇركىستان وبلىسىندا مەكتەپ بالاباقشا قۇرىلىستارى قارقىندى جۇرۋدە. بالالارعا ساپالى ءبىلىم بەرۋ ارقىلى سانالى ۇرپاق تاربيەلەيمىز – دەدى ءوڭىر باسشىسى.سەبەبى،  بۇگىنگى بالا - ەرتەڭگى دانا.

ك. دۇيسەنبى

Abai.kz