بيىل ناۋرىزدا پارلامەنت پالاتالارىنىڭ بىرلەسكەن وتىرىسىندا ەلباسى نۇرسۇلتان نازارباەۆ قازاقستان حالقىنا «پرەزيدەنتتىڭ بەس الەۋمەتتىك باستاماسى» اتتى جاڭا الەۋمەتتىك باستامالاردى تانىستىردى. باستامادا ءوزىن-ءوزى ەڭبەكپەن قامتىعان جانە جۇمىسسىز تۇرعىنداردىڭ اراسىندا جاپپاي كاسىپكەرلىكتى دامىتۋ ءۇشىن اتقارىلىپ جاتقان جۇمىستارىنا قولداۋ ءبىلدىرىپ، جەڭىلدەتىلگەن شاعىن نەسيە بەرۋ جايلى ايتىلعان بولاتىن.

كەلەس اۋدانى اكىمىنىڭ ورىنباسارى ا.جاڭبىرباەۆتىڭ باستاماسىمەن، اۋداندىق كاسىپكەرلىك جانە اۋىل شارۋاشىلىق ءبولىمىنىڭ ۇيىمداستىرۋمەن اباي اۋىلىندا ورنالاسقان «گراند پاريج» مەيرامحاناسىندا شاعىن جانە ورتا بيزنەستى دامىتۋ بويىنشا «بيزنەس باستاما، داۋلەتتى بولعىڭ كەلسە كاسىپ قىل، كاسىبىڭ سەنىڭ — ءناسىبىڭ» اتتى اۋداننىڭ بيزنەس باستاۋعا نيەتتى ازاماتتار قاتىسۋىمەن ءىس-شارا بولىپ ءوتتى، دەپ حابارلايدى كەلەس اۋدانى اكىمىنىڭ ءباسپاسوز قىزمەتى.

ءىس-شارادا «بيزنەستىڭ جول كارتاسى – 2020» باعدارلاماسى بويىنشا جالپى جوبالارى ءتۇسىندىرىلدى. اتاپ ايتقاندا سۋبسيديالاۋ شارتتارى، كەپىلدەندىرۋ شارتتارى، جاڭا زامانۋي تەحنولوگيالاردى جابدىقتاۋ ەسەبىنەن جۇمىس ورىندارىنىڭ سانىن كوبەيتۋ جانە وندىرىلەتىن ءونىمنىڭ ساپاسىن ۇلعايتۋ جوبالارى ءتۇسىندىرىلىپ، جيىنعا قاتىسقان ازاماتتار تاراپىنان قويىلعان سۇراق-ۇسىنىستارعا ءتيىستى جاۋاپتار بەرىلدى.

Abai.kz