ونىڭ ايتۋىنشا، 25 قاراشادا ۇستالعان ۋكراين تەڭىزشىلەرى حالىقارالىق زاڭدار اياسىندا ارەكەت ەتتى، ال رەسەيلىك شەكاراشىلار بولسا قارا تەڭىزدەگى بەيتاراپ ايماقتا ولارعا شابۋىل جاسادى. قولعا تۇسكەن ۋكراين شەكاراشىلارى رەسەيدە سوتتالماۋى ءتيىس، ويتكەنى ولار اگرەسسيالىق اكت قۇربانى رەتىندە، جەنەۆا كونۆەنتسياسىنا سايكەس، اسكەري تۇتقىن دەپ تانىلۋى ءتيىس.
ادام قۇقىقتارى جونىندەگى ەۋروپالىق سوت رەسەيدەن 3 جەلتوقسانعا دەيىن تۇتقىنعا الىنعان تەڭىزشىلەردىڭ جاعدايى مەن ولاردىڭ قۇقىقتىق مارتەبەسى تۋرالى اقپارات بەرۋىن تالاپ ەتتى. ماسكەۋ بۇل تالاپتى ورىندامادى دەدى پوروشەنكو.
اننەكسيالانعان قىرىم جاعالاۋلارىندا رەسەي شەكاراشىلارىنىڭ قولىنا تۇسكەن 24 تەڭىزشى ەكى ايعا - 25 قاڭتارعا دەيىن تۇتقىنعا الىنعان. ولاردىڭ بارلىعى ماسكەۋدەگى "لەفورتوۆو" جانە "ماتروسسكايا تيشينا" تەرگەۋ اباقتىلارىندا وتىر. ولارعا شەكارانى بۇزعان دەگەن ايىپ تاعىلعان.
كيەۆ قارا تەڭىزدەگى وقيعانى اگرەسسيالىق اكت دەپ باعالاپ، بۇعان رەسەيدىڭ ارانداتۋشىلىق ارەكەتى سەبەپ بولدى دەپ مالىمدەدى. ۋكراينىا پرەزيدەنتى ەلدىڭ بىرقاتار ايماعىندا اسكەري جۇيە ەنگىزۋ تۋرالى زاڭعا قول قويدى.
Abai.kz
