جاقىندا الەمنىڭ ەڭ باقىتتى ەلى دانيا بولىپتى. باقىتتى بولۋدا xالىقتىڭ تابىسىنىڭ تەڭدىگى، ۇكىمەتكە سەنىم مەن دەموكراتيالىق قۇندىلىقتاردان باسقا دا ءبىز ءمان بەرمەيتىن دۇنيەلەر بار ەكەن. دات xالقىنىڭ ومىردەن ءلاززات الاتىن مادەني ەرەجەلەرى جاساقتالىپتى. ⠀

1933 جىلى نورۆەگ-دات جازۋشىسى اكسەل ساندەمۋسە رومان جازىپ، وندا ءوزىنىڭ تۋىپ وسكەن قالاسىنىڭ ءومىرىن سۋرەتتەيدى. قالاعا يانتە دەگەن ويدان شىعارىلعان ات قويادى. دات xالقىنىڭ اراسىندا «يانتە زاڭىنىڭ» 10 ەرەجەسى كەڭ تارالعان:

1. ءوزىڭىزدى ەرەكشەمىن دەپ شاتتانباڭىز
2. ءبىز سياقتى جاقسى ءجۇرمىن دەپ ويلاماڭىز
3. بىزدەن ءوزىڭىزدى اقىلدىمىن دەپ ساناماڭىز
4. بىزدەن مىقتىراقپىن دەپ ءوزىڭىزدى الداماڭىز
5. بىزدەن كوبىرەك بىلەمىن دەپ وزىڭىزگە كوپ الماڭىز
6. بىزدەن ءوزىڭىزدى ماڭىزدىراقپىن دەپ جىرتىلماڭىز
7. سىزدە ءبارى يدەال دەپ مارقايماڭىز
8. بىزگە كوتەنىڭىزدى جىرتىپ كۇلمەڭىز
9. سىزدە بىرەۋدىڭ شارۋاسى بار دەپ پانيكا ۇستاماڭىز
10. بىزگە بىردەڭە ۇيرەتەمىن دەپ ماقتانباڭىز.

كەيبىر پسيxولوگتاردىڭ زەرتتەۋىنشە، داتتاردىڭ باقىتتى بولۋ قۇپياسى ولار قاراپايىم ءارى ورتاشا ءومىر سۇرەدى. وزدەرىنە كوپ المايدى. باسقالاردان ءوزىن اقىلدى، مىقتى، باتىر سانامايدى. جاي عانا ومىردەن كايف الىپ وزىمەن ءوزى جۇرەدى.

بىرەۋمەن باقتالاسۋ، وزىندە جوقتى بار قىلىپ كورسەتۋ، تىراشتانۋى جوق ەل الەمدە باقىتتى ءومىر ءسۇرىپ جاتىر. جۇرت نە دەيدى دەگەن سۇراعى جوق ەلدىڭ xالقى باقىتتى. پونتى، ماقتانشاقتىعى، كوزبوياماشىلىعى، وتىرىگى، قياليلىعى جوق ەلگە قىزىعاسىڭ...

نۇرلان جانايدىڭ facebook پاراقشاسىنان

Abai.kz