«2016 جىلدان باستاپ بۇگىنگى كۇنگە دەيىن 532 نىسان ساۋدا-ساتتىققا شىعارىلىپ، ولاردىڭ 465-ءى 296 ملرد تەڭگەگە ساتىلدى. 96 نىسان ساتۋ الدىنداعى دايىندىق كەزەڭىندە. 287 نىسان قايتا ۇيىمداستىرۋعا جانە تاراتۋعا جىبەرىلگەن، ولاردىڭ 160-ى قايتا قۇرىلدى جانە تاراتىلدى»، — دەدى ءا. سمايىلوۆ.
7 نىساندى جەكەشەلەندىرۋ نىساندارىنىڭ تىزبەسىنەن الىپ تاستاۋ تۋرالى قر ەكونوميكانى جاڭعىرتۋ ماسەلەلەرى جونىندەگى مەملەكەتتىك كوميسسيانىڭ شەشىمى قابىلداندى. قايتا ۇيىمداستىرىلاتىن، تاراتىلاتىن جانە جەكەشەلەندىرۋ نىساندارىنىڭ تىزبەسىنەن الىپ تاستاۋعا جاتاتىن نىسانداردى قوسا ەسەپتەگەندە، جەكەشەلەندىرۋدىڭ كەشەندى جوسپارىنىڭ ورىندالۋى بۇگىندە 88% قۇرايدى.
«2018 جىلى ساتۋعا 243 نىسان جوسپارلاندى. ءىس جۇزىندە 155 نىسان ساۋدا-ساتتىققا شىعارىلىپ، ولاردىڭ 88-ءى 117 ملرد تەڭگەگە ساتىلدى جانە 67-ءسى – ساۋدا-ساتتىقتا. تاعى 8 نىسان وسى جىلدىڭ سوڭىنا دەيىن ساۋدا-ساتتىققا شىعارىلادى»، — دەپ مالىمدەدى قارجى ءمينيسترى.
بۇدان بولەك، 56 نىسان بويىنشا قايتا قۇرۋ جانە تاراتۋ تۋرالى شەشىم; 7 نىسان بويىنشا جەكەشەلەندىرۋ نىساندارىنىڭ تىزبەسىنەن الىپ تاستاۋ تۋرالى شەشىم قابىلداندى. قر قارجى مينيسترلىگىنىڭ اقپاراتىنا سايكەس، 17 نىساننىڭ ساتۋ مەرزىمىن 2019 جىلعا اۋىستىرۋ قاجەت. قاجەتتى ماتەريالدار جاقىندا مەملەكەتتىك كوميسسيانىڭ وتىرىسىنا شىعارىلاتىن بولادى.
سونىمەن قاتار، كەشەندى جوسپاردىڭ 58 توپ نىساننىڭ 34-ءى ساۋدا-ساتتىققا شىعارىلىپ، ولاردىڭ 18-ءى ساتىلدى، ولاردى ساتۋ قۇنى 136 ملرد تەڭگەنى قۇرادى.
«ءبىر نىسان وسى جىلدىڭ 28 جەلتوقسانىنا قاراي ساتۋعا شىعارىلاتىن بولادى («قازاقاۆتوجول» جشس). 3 توپ نىسان مەملەكەتتىك كوميسسيانىڭ شەشىمى نەگىزىندە تىزبەدەن الىنىپ تاستالۋى ءتيىس، 1 نىسان – تاراتىلۋدا. 10 توپ نىساندى ساتۋ مەرزىمى مەملەكەتتىك كوميسسيانىڭ شەشىمىمەن 2019– 2020 جىلدارعا بەلگىلەنگەن. تاعى 9 نىساندى ساتۋ مەرزىمى 2019–2020 جىلدارعا اۋىستىرىلۋى ءتيىس»، — دەدى ءا. سمايىلوۆ.
بۇدان وزگە، قارجى ءمينيسترىنىڭ ايتۋىنشا، 2019 جىلى 2019–2020 جىلدارعا جوسپارلانعان 23 نىسان ساتۋعا شىعارىلۋى كەرەك. سونىڭ ىشىندە «سامۇرىق-قازىنا» ۇلتتىق ءال-اۋقات قورىنىڭ 7 ءىرى كومپانياسىن IPO-عا كەزەڭ-كەزەڭمەن شىعارۋ ارقىلى ساتۋ جوسپارلانعان. بۇل رەتتە، 14 قاراشادا «قازاتومونەركاسىپ» ۇلتتىق اتوم كومپانياسىنىڭ اكتسيالارىنىڭ 25 پايىزىنىڭ 15 پايىزىن «استانا» حالىقارالىق قارجى ورتالىعى بيرجاسىندا جانە لوندون قور بيرجاسىندا ساتۋ بويىنشا ساۋدا-ساتتىق ءوتتى. ونىڭ ناتيجەسىندە مامىلە سوماسى $451 ملن قۇرادى. ساتۋعا بەلگىلەنگەن اكتسيالاردىڭ قالعان بولىگىن، اعىمداعى جىلدان وبەكتيۆتى جاعدايلارعا بايلانىستى اۋىستىرىلاتىن 17 نىساندى، كەشەندى جوسپارعا قوسىمشا ەنگىزىلگەن 48 نىساندى ساتۋ كەلەسى جىلى جالعاساتىن بولادى.
ءوز كەزەگىندە، ۇلتتىق ەكونوميكا ءمينيسترى ت. سۇلەيمەنوۆ مەملەكەتتىك ورگاندار قىزمەتىنىڭ تيىمدىلىگىن ارتتىرۋ ماقساتىندا ۇلتتىق ەكونوميكا مينيسترلىگى ارتىق جانە قايتالاناتىن فۋنكتسيالاردى انىقتاۋ تۇرعىسىنان مەملەكەتتىك ورگانداردىڭ ۆەدومستۆولىق باعىنىستى ۇيىمدارىن فۋنكتسيونالدىق تالداۋدى 2019 جىلى اياقتايتىنىن حابارلادى. وسى جۇمىستىڭ قورىتىندىسى بويىنشا مينيسترلىك مەملەكەتتىك ورگانداردىڭ ۆەدومستۆولىق باعىنىستى ۇيىمدارىن ودان ءارى وڭتايلاندىرۋ بويىنشا ۇسىنىستار دايىندايتىن بولادى.
سونىمەن قاتار ت. سۇلەيمەنوۆ 2020 جىلدىڭ سوڭىنا دەيىن ۆەدومستۆوعا باعىنىستى كاسىپورىنداردى قۇرۋعا موراتوري ەنگىزۋ جوسپارلانىپ وتىرعانىن ايتتى (الەۋمەتتىك سالانى قوسپاعاندا). مەملەكەتتىك ورگاندارعا جۇمىس ىستەپ تۇرعان ۆەدومستۆولىق باعىنىستى ۇيىمداردىڭ الەۋەتىن پايدالانۋ ۇسىنىلاتىن بولادى. قازىرگى ۋاقىتتا ءتيىستى قاۋلىنىڭ جوباسى ازىرلەندى، ول كەلىسۋ راسىمىنەن ءوتىپ جاتىر.
ۇلتتىق ەكونوميكا ءمينيسترى سونىمەن قاتار قوردىڭ اكتيۆتەرىن IPO-عا شىعارۋعا قاتىستى ماسەلەلەردى دە باياندادى.
«بيىلعى 14 قاراشادا ەلىمىزدەگى كاپيتال نارىعىن دامىتۋ ماقساتىندا ماڭىزدى وقيعا بولعان، مەملەكەت باسشىسىنىڭ قاتىسۋىمەن احقو بيرجاسىندا قازاتومونەركاسىبىنىڭ ماملەسى بويىنشا ءبىرىنشى ساۋدا-ساتتىق سەسسياسىنىڭ اشىلۋى ءوتتى. بارلىعى جالپى سوماسى 168 ملرد تەڭگەگە قازاتومونەركاسىبى اكتسيالارىنىڭ 15% شىعارىلدى. اكتسيالاردى 49 شەتەلدىك جانە 17 وتاندىق زاڭدى تۇلعا، سونداي-اق قازاقستاننىڭ 2700 ازاماتى ساتىپ الدى. قور توبىنىڭ قالعان كومپانيالارىن IPO-عا شىعارۋ 2019–2020 جىلدارعا جوسپارلانىپ وتىر. اتاپ ايتقاندا، 2019 جىلى قازاقتەلەكوم مەن ەير استانانىڭ اكتسيالارىن ساتۋ جوسپارلانىپ وتىر»، — دەدى ت. سۇلەيمەنوۆ.
ساتۋعا نىسانداردى دايارلاۋ تۋرالى جۇرگىزىلىپ جاتقان جۇمىستار تۋرالى «سامۇرىق-قازىنا» قورىنىڭ باسقارۋشى ديرەكتورى – حاتشىلىق باسشىسى ءا. پىرمەتوۆ، «بايتەرەك» ۇبح» اق توراعاسى ا. ءارىپحانوۆ، «قازاگرو» حولدينگى» اق باسقارما توراعاسى ر. قۇرمانوۆ باياندادى.
ماسەلەنى قاراۋ قورىتىندىسى بويىنشا، پرەمەر-مينيستر باقىتجان ساعىنتاەۆ جالپى نىساندار ساتىلىمى كەستەگە سايكەس جۇرگىزىلىپ جاتقانىن اتاپ ءوتتى.
ب. ساعىنتاەۆ 8 نىساننىڭ ساۋدا-ساتتىققا شىعارىلماعانىن جانە قازىرگى كەزدە 67-ءسىنىڭ ساۋدادا تۇرعانىن ەسكەرە وتىرىپ، مينيسترلىكتەر، جەرگىلىكتى اتقارۋشى ورگاندار مەن حولدينگتەرگە وسى جىلدىڭ سوڭىنا دەيىن جەكەشەلەندىرۋگە جاتاتىن نىسانداردى ساۋدا-ساتتىققا شىعارۋ جۇمىسىن اياقتاۋدى تاپسىردى. تىزىمگە ەنگىزىلگەن جاڭا 48 نىساننىڭ ساتۋ الدىنداعى دايىندىق جۇمىستارىن جەدەلدەتۋ قاجەت.
Abai.kz
