سەنبى, 5 ءساۋىر 2025
3290 0 پىكىر 14 جەلتوقسان, 2018 ساعات 10:11

ەلباسى بەلارۋس رەسپۋبليكاسى قاۋىپسىزدىك كەڭەسىنىڭ مەملەكەتتىك حاتشىسىمەن كەزدەستى

قازاقستان پرەزيدەنتى بەلارۋس رەسپۋبليكاسى قاۋىپسىزدىك كەڭەسىنىڭ مەملەكەتتىك حاتشىسى ستانيسلاۆ زاسپەن كەزدەستى. بۇل تۋرالى اقوردانىڭ رەسمي سايتى حابارلادى.

كەزدەسۋ بارىسىندا نۇرسۇلتان نازارباەۆ ۇجىمدىق قاۋىپسىزدىك شارتى ۇيىمىنىڭ باس حاتشىسى لاۋازىمىنا ستانيسلاۆ ءزاستى كانديدات رەتىندە قولدايتىنىن اتاپ ءوتتى.

– مەملەكەتتەر باسشىلارى سانكت-پەتەربۋرگتە الەكساندر گريگورەۆيچ لۋكاشەنكونىڭ ۇسىنىسى بويىنشا ءسىزدىڭ كانديداتۋراڭىزدى قولداۋ جونىندە شەشىم قابىلدادى. ءسىز وسى ۇيىمعا مۇشە ەلدەردىڭ باسشىلارىمەن كەزدەسۋدى باستاپ كەتتىڭىز. بۇعان دەيىن بىشكەكتە بولدىڭىز. قازىر قىرعىز رەسپۋبليكاسى ۇجىمدىق قاۋىپسىزدىك شارتى ۇيىمىنا توراعالىق ەتۋدە. سىزدەردىڭ كەزدەسۋلەرىڭىزدىڭ جاقسى وتكەنىنە سەنىمدىمىن، – دەدى قازاقستان پرەزيدەنتى.

نۇرسۇلتان نازارباەۆ س.ءزاستىڭ وسى لاۋازىمدا قىزمەت ەتۋى ءۇشىن قاجەتتى ءبىلىمى مەن تاجىريبەسى بار ەكەنىنە توقتالدى.

– ءسىز – اسكەري ادامسىز جانە ءتيىستى ءبىلىمىڭىز بار. بەلارۋس رەسپۋبليكاسىنىڭ باس شتابىندا، قاۋىپسىزدىك كەڭەسىندە قىزمەت اتقاردىڭىز. ۇجىمدىق قاۋىپسىزدىك شارتى ۇيىمىنىڭ جۇمىسىمەن تانىسسىز، ءتۇرلى كەزدەسۋلەر مەن جيىندارعا قاتىستىڭىز. ءبىز ءسىزدى قولدايتىن بولامىز، – دەدى مەملەكەت باسشىسى.

سونداي-اق، اڭگىمەلەسۋ بارىسىندا قازاقستان پرەزيدەنتى ۇجىمدىق قاۋىپسىزدىك شارتى ۇيىمى جۇمىسىنىڭ تيىمدىلىگىن قامتاماسىز ەتۋدىڭ ماڭىزدى ەكەنىن ايتتى.

Abai.kz

0 پىكىر

ۇزدىك ماتەريالدار

46 - ءسوز

قايراۋلى قارا سەمسەر

ەسبولات ايدابوسىن 1501
انىق-قانىعى

ەۋروپاعا رەسەي اۋماعىنسىز شىعۋ جولى

اسحات قاسەنعالي 4221
46 - ءسوز

بىزگە بەيمالىم باراق حان

جامبىل ارتىقباەۆ 3118