ول ساربازداردى شىعارۋ كەستەسى تۋرالى ايتۋدان باس تارتتى، ويتكەنى ول بۇل اقپاراتتى قارسىلاستارىنىڭ بىلگەنىن قالامايدى.
پومپەونىڭ مالىمدەۋىنشە، اقش پرەزيدەنتى دونالد ترامپ ورتا شىعىستا تۇراقتىلىق ورناتۋ ءۇشىن "يسلام مەملەكەتى" سودىرلارىنا، داماسكىنى قولداپ وتىرعان يرانعا قارسى ناۋقانىن جالعاستىرا بەرەدى.
بۇعان قوسا اقش تۇركيا اسكەرىنىڭ سيريادا "كۇردتەرگە سوققى بەرمەيتىنىنە" كوز جەتكىزگىسى كەلەدى.
ترامپ امەريكالىق اسكەردى سيريادان شىعاراتىنىن 19 جەلتوقساندا جاريالادى. سول كەزدە ول "يسلام مەملەكەتى" تەرروريستىك توبى جەڭىلدى دەپ مالىمدەگەن. امەركالىق اسكەر باسشىلىعى پرەزيدەنت شەشىمىن اسىعىستىق دەپ اتاعان.
1 قاڭتاردا ترامپ اسكەردى شىعارۋدى باياۋلاتىپ، بۇل جۇمىسقا ءتورت اي بەرگەن. ونىڭ مۇنداي شەشىم قابىلداۋىنا اقش پرەزيدەنتىنىڭ وتكەن جىلى جەلتوقساندا يراكقا ساپارى تۇرتكى بولعان.
سيريادا باشار اساد ۇكىمەتىنىڭ باقىلاۋىندا ەمەس تەرريتوريادا 2 مىڭعا جۋىق امەريكالىق سارباز ورنالاسقان. ولار حالىقارالىق كواليتسيامەن بىرگە "يسلام مەملەكەتىمەن" سوعىس جۇرگىزىپ كەلەدى.
Abai.kz
