ازاتتىقتىڭ قىرعىز قىزمەتىنىڭ حابارلاۋىنشا، اكتسياعا قاتىسۋشىلار زاڭسىز اكتسيا ۇيىمداستىرۋشىلارعا ايىپپۇلدى كوتەرگەنىنە نارازىلىق بىلدىرگەن.
الاڭعا جينالعان ادامدار اكتسيانى ەشكىمنىڭ ۇيىمداستىرماعانىن، ءوز ەرىكتەرىمەن كەلگەنىن ايتقان. ولار دەنى كارا-بالتادان جانە بىشكەك اينالاسىنداعى ەلدى-مەكەندەردەن جينالعان.
2018 جىلدىڭ جەلتوقسان ايىندا "كىرگىز چورولورۋ" قوعامدىق بىرلەستىگى بىشكەكتە بەيبىت ميتينگ وتكىزىپ، قىتايداعى از ۇلت وكىلدەرىنىڭ "قايتا تاربيەلەۋ لاگەرلەرىندە" وتىرعانىنا الاڭداۋشىلىق بىلدىرگەن.
وسىدان كەيىن WhatsApp مەسسەندجەرى ارقىلى 7 قاڭتاردا بىشكەكتە قىتاي ازاماتتارىنىڭ زاڭسىز ميگراتسياسى جايىندا ميتينگ وتەدى دەگەن حابار تاراعان. ال "كىرگىز چورولورۋ" بىرلەستىگى بۇل اكتسياعا ەش قاتىسىمىز جوق دەپ مالىمدەدى.
ميتينگكە جينالعاندار كەلەسى نارازىلىق اكتسياسىن 17 قاڭتاردا سول الاڭدا وتكىزۋدى جوسپارلاپ وتىر.
Abai.kz
