سونىمەن بىرگە ترامپ تۇركياعا اقش-تىڭ جيھادشىلارعا قارسى كۇرەسىندە وداقتاسى، سيريانىڭ سولتۇستىك-شىعىسىنا باقىلاۋ جاسايتىن كۇرد ارمياسىنا قارسى شابۋىل جاساماۋىن ەسكەرتتى. تۇركيا كۇرد توبىن تەرروريستىك ۇيىم رەتىندە باعالايدى.
"سيريادان اسكەردى شىعارۋدى باستادىق. سوعان قاراماستان يم-ءنىڭ قالعان حاليفاتىنا قارسى سوققى بەرۋدى جالعاستىرىپ جاتىرمىز. ەگەر ولار توپتاسىپ جاتسا، شابۋىلدى جالعاستىرا بەرەمىز", - دەگەن ترامپ جەكسەنبى كۇنگى جازباسىندا.
ول سونىمەن بىرگە تۇركياعا دا ەسكەرتۋ جاسادى. ەگەر كۇردتەرگە قارسى شابۋىل جاسالسا، ءبىز تۇركيانى ەكونوميكالىق تۇرعىدا جويامىز. بۇل جەردە مەن كۇردتەردىڭ تۇركيانى، رەسەيدى، يراندى جانە سيريانى ازعىرۋىن قالامايمىن. ولار يم-گە قارسى كۇرەستە ەڭ ۇلكەن ۇلەس قوستى. ولارعا دەگەن العىسىمىز شەكسىز، بىراق ءبىزدىڭ اسكەر ۇيىنە قايتۋى كەرەك", - دەپ جازدى ترامپ.
تۇركيا پرەزيدەنتى رەجەپ ەردوعان ترامپتىڭ ۇلتتىق قاۋىپسىزدىك جونىندەگى كومەكشىسى دجون بولتونعا جاريا تۇردە اقش-تىڭ وداقتاسى كۇرد اسكەرىنە شابۋىل جاسامايمىز دەپ ۋادە ەتكەن.
12 قاڭتاردا Reuters اگەنتتىگى تۇركيانىڭ سيريامەن شەكارالاس حاتاي پروۆينتسياسىنا تانكتەر مەن بروندالعان اسكەري كولىكتەر جەتكىزىلگەنىن حابارلادى. تۇركيانىڭ قاۋىپسىزدىك قىزمەتى بۇل اقپاراتقا تۇسىنىكتەمە بەرمەي وتىر. بىراق سيريادا اسكەري وپەراتسيا جاساماق دەگەن اقپاراتتى تەرىسكە شىعاردى.
Abai.kz
