پاشينيان ارمەنيا پرەمەرى قىزمەتىنە العاش رەت وتكەن جىلى مامىر ايىندا جاپپاي نارازىلىق اكتسياسىنان سوڭ تاعايىندالعان ەدى. سول كەزدە حالىق سەرج سارگسيان مەن ونىڭ پارتياسىنىڭ بيلىگىنە نارازى بولىپ، ەكى مارتە پرەزيدەنت قىزمەتىن اتقارعان سارگسيانعا بيلىكتى ءۇشىنشى مارتە پرەمەر رەتىندە قالۋعا جول بەرمەگەن ەدى.

قازان ايىنىنىڭ ورتاسىندا پاشينيان وتستاۆكاعا كەتتى، ال قاراشا ايىنىڭ باسىندا ارمەنيا پرەزيدەنتى پارلامەنتتى تاراتىپ، كەزەكتەن تىس سايلاۋ جاريالادى. پاشينيان ۇكىمەت باسقارىپ تۇرعان ۋاقىتتا ەلدەگى بارلىق گۋبەرناتورلاردى اۋىستىرىپ ۇلگەردى، جەمقورلىققا قارسى كۇرەس ءناۋوانىن باستادى، سالىق ءتۇسىمىن كوبەيتتى.

وتكەن جىلى 9 جەلتوقساندا وتكەن كەزەكتەن تىس پارلامەنت سايلاۋىندا پاشينيان بلوگى 70,43 پايىز داۋىسپەن جەڭىسكە جەتتى. ەكس-پرەزيدەنت سەرج سارگسياننىڭ ارمەنيا رەسپۋبليكالىق پارتياسى از داۋىس جيناپ، پارلامەنتكە وتە المادى.

Abai.kz