ول رەسمي قايتا قارجىلاندىرۋ مولشەرلەمەسىنىڭ 9,25% دەڭگەيدە قالعاندىعىن اتاپ ءوتتى. «اعىمداعى شەشىم كەزىندە جىلدىق ينفلياتسيانىڭ ناقتى دەڭگەيى، ونىڭ اعىمداعى جىلعى بولجامدىق ماندەرىنە جانە باعالارىنا سايكەستىگى، سونداي-اق حالىقتىڭ ينفلياتسيالىق كۇتۋلەرىنىڭ بايقالىپ وتىرعان تومەندەۋى نازارعا الىندى»، - دەپ تۇسىنىكتەمە بەردى د. اقىشەۆ.

ول جىلدىق ينفلياتسيانىڭ نىسانالى دالىزگە سايكەس دەڭگەيدە قالىپتاساتىندىعىن قوسا اتاپ ءوتتى. ونىڭ ايتۋىنشا، بازالىق مولشەرلەمەنىڭ اعىمداعى دەڭگەيى ەداۋىر كۇيزەلىستەر بولماعاندا 2019 جىلدىڭ سوڭىندا 4-6% جاڭا ءدالىزدىڭ ىشىندە ينفلياتسيانىڭ قالىپتاسۋىن قامتاماسىز ەتەتىن بولادى.

«بۇل رەتتە قازاقستان ۇلتتىق بانكى الەمدىك نارىقتارداعى، اتاپ ايتقاندا مۇنايدىڭ الەمدىك نارىعىنداعى ۇردىستەردى، سونداي-اق باسقا ەلدەردىڭ ورتالىق بانكتەرىندەگى وزدەرىنىڭ مولشەرلەمەلەرىنىڭ دەڭگەيى بويىنشا شەشىمدەرىن مۇقيات قاداعالايدى»، - دەدى د. اقىشەۆ.

قازاقستان ۇلتتىق بانكىنىڭ باسشىسى ينفلياتسيانى نىسانالى ءدالىزدىڭ شەگىنەن تىس جىبەرمەۋدىڭ الدىن الۋ ۇلتتىق بانكتىڭ مىندەتى بولىپ تابىلاتىندىقتان سىرتقى سەكتور تاراپىنان تاۋەكەلدەردى باعالاۋدىڭ باسىم ەكەندىگىن اتاپ ءوتتى. «نەگىزگى شيكىزات نارىقتارىندا ناقتى قۇبىلمالىلىقتىڭ ىشكى ماكروەكونوميكالىق كورسەتكىشتەرگە جانە قارجى سەكتورىنىڭ كورسەتكىشتەرىنە ىقپالى كۇشەيگەن كەزدە اقشا-كرەديت ساياساتىن قاتاڭداتۋ تۋرالى شەشىم بازالىق مولشەرلەمەنىڭ دەڭگەيىن كەيىننەن قاراۋ كەزىندە قابىلدانۋى مۇمكىن»، - دەدى د. اقىشەۆ.

بازالىق مولشەرلەمە بويىنشا كەزەكتى شەشىم 2019 جىلعى 4 ناۋرىزدا استانا ۋاقىتىمەن ساعات 17:00-دە جاريالانادى.

Abai.kz