كەشە قر ۇلتتىق اكادەميالىق كىتاپحاناسىندا قازاقستاننىڭ حالىق ءارتىسى، مەملەكەتتىك سىيلىقتىڭ لاۋرەاتى ءامينا ومىرزاقوۆانىڭ 100 جىلدىق مەرەيتويىنا وراي «قازاق كينوسىنىڭ اناسى» اتتى ەسكە الۋ كەشى بولىپ ءوتتى.

ەلباسىمىز ن.نازارباەۆتىڭ «ۇلى دالانىڭ جەتى قىرى» ماقالاسىندا قازىرگى ادەبيەتتەگى، مۋزىكا مەن تەاتر سالاسىنداعى جانە بەينەلەۋ ونەرىندەگى تۇلعالار بەينەسىن جاساۋ كەرەكتىگى ايتىلعان بولاتىن. 2019 جىلى «ۇلى تۇلعالار» سەرياسىنىڭ اياسىندا حالىق ءارتىسى ءامينا ومىرزاقوۆانىڭ 100 جىلدىق مەرەيتويى يۋنەسكو-نىڭ اۋقىمىندا اتاپ وتىلەتىن بولادى.

حالىق ءارتىسىنىڭ اتى قازاق كينوسىنىڭ تاريحىندا ماڭگىلىك جازىلىپ قالادى. قازاق كينو ونەرىنىڭ شەبەرى ءامينا ەركوجاقىزى 68 جىل بويى قازاق تەاترىندا 150-گە جۋىق ءرولدى وينادى، 20-دان استام فيلمگە تۇسكەن. 1968 جىلى ەكرانعا ش.ايمانوۆتىڭ «تاقيالى پەرىشتە» اتتى مۋزىكالىق، كومەديالىق ءفيلمى شىقتى. اكتريسا ول كينودا باستى ءرولدى وينادى. ال 2016 جىلى (اباي اۋدانىندا) قازاق تەاترى مەن كينو اكتريساسى ءامينا ومىرزاقوۆانىڭ 100 جىلدىعىنا ارنالعان ەسكەرتكىش اشىلدى.

ءىس-شاراعا «ونەر تاريحى» كافەدراسىنىڭ دوتسەنتى، كينورەجيسسەر، ونەرتانۋ عىلىمدارىنىڭ كانديداتى، قازاقستان كينەماتوگرافيستەر وداعىنىڭ مۇشەسى نازيرا مۋكۋشەۆا, كينوتانۋشى، ونەرتانۋ عىلىمدارىنىڭ ماگيسترى كاميلا الىمجانقىزى، سونداي-اق، قوعام جانە مادەنيەت قايراتكەرلەرى، شىعارماشىلىق زيالى قاۋىم وكىلدەرى، ادەبيەتتانۋشى عالىمدار، باق وكىلدەرى جانە ت.ب. قاتىستى.

ءامينا ومىرزاقوۆا 1919 جىلى 8 ناۋرىزدا شىعىس قازاقستان وبلىسىنىڭ اباي اۋدانىندا دۇنيەگە كەلگەن.

Abai.kz