«نۇر وتان» پارتياسىنىڭ الەۋمەتتىك جوباسى اياسىندا نۇروتاندىقتار وقۋشىلاردىڭ اتا-اناسى مەن جۋرناليستەردى، سونداي-اق، مەملەكەتتىك ورگان وكىلدەرىن شاقىرعان ساراپتامالىق توپتار ينسپەكتسيا جۇرگىزەدى.

بۇكىل رەسپۋبليكا بويىنشا «مەكتەپ اسحانالارى» پارتيالىق جوباسى باستالدى. قۇرامىنا اتا-انالار، «نۇر وتان» پارتياسى ايماقتىق فيليالدارىنىڭ وكىلدەرى، باق، ۇەق مەن مەملەكەتتىك ورگانداردىڭ وكىلدەرى كىرەتىن ۆەدومستۆوارالىق ساراپتامالىق توپ (ۆست) مۇشەلەرى تاماقتانۋدىڭ مەكتەپتەگى نۇكتەلەرىنە مونيتورينگتى جۇزەگە اسىردى. العاشقى كۇنى پارتيالىقتار مەن اتا-انالار كوميتەتى تاماقتانۋدىڭ جۇزدەگەن مەكتەپتەگى نۇكتەلەرىنە ينسپەكتسيالاۋ جۇمىستارىن جۇرگىزدى، سول كەزدە ءبىرتيپتى ونداعان ولقىلىقتار انىقتالدى.

ەلىمىزدىڭ مەكتەپتەرىندە ەڭ الدىمەن تاماقتانۋ ساپاسىن كۇن سايىن باقىلاۋعا جانە ولقىلىقتاردى انىقتاپ وتىرۋعا مىندەتتى مەكتەپتىڭ ساراپشىلىق كوميسسياسىنىڭ ەسەپتىك قۇجاتتاماسى مەن بەلسەندىلىگى تەكسەرىلدى. انىق بولعانداي، كوپتەگەن مەكتەپتەردە ولار جۇمىس ىستەمەيدى – ەسكەرتۋى بار بىردە-ءبىر حاتتاما نەمەسە ولقىلىقتاردى جويۋ بويىنشا بىردە-ءبىر اكت انىقتالمادى. ال شىمكەنتتىك مەكتەپتەردىڭ بىرىندە كوميسسيا تۇتاستاي وقۋ مەكەمەسىنىڭ قىزمەتكەرلەرىنەن تۇرادى – مەكتەپ اسحاناسىن باقىلاۋعا تەك ءبىر اتا-اناعا عانا رۇقسات بەرىلگەن.

ودان سوڭ پارتيالىق ۆەدومستۆوارالىق ساراپتامالىق توپ مەكتەپ اكىمشىلىگىنىڭ كەزەكشىلىك كەستەسىنىڭ بولۋىنا ۆيزۋالدى تەكسەرىس جۇرگىزدى، وقۋشىلاردىڭ تاماقتانۋ ءتارتىبىن تەكسەردى، سۋ ءىشۋ ءتارتىبىنىڭ ساقتالۋى، قول جۋعا ارنالعان جاعدايدىڭ جاسالۋى، بەكىتىلگەن ءمازىردىڭ بولۋى، سونداي-اق، مەكتەپ اسحاناسى راتسيونىنىڭ بىرىڭعاي ستاندارتتارعا سايكەستىگى ينسپەكتسيالاندى. مونتورينگىلەۋدىڭ قورىتىندىسى بويىنشا نۇسقاۋلىقتار مەن ەسەپتەر راسىمدەلدى. مىسالى، ۆست قۇرامىنا كىرەتىن اتا-انالار مەكتەپ ديرەكتورىنا: ءمازىردى ۇنەمى عالامتوردا جاريالاپ تۇرۋ، تاعام بلوكتارىنا كامەرالار ورناتۋ، بەلگىلى جۋرناليستەر مەن بلوگەرلەردى ساراپشىلىق كوميسسياسىنا قوسۋ سىندى ۇسىنىستارىن العا تارتتى.

«مەكتەپ اسحانالارى» پارتيالىق جوباسى مەرزىمسىز بولىپ تابىلادى، سوندىقتان مونيتورينگىلەۋ جالعاسىن تابادى، ول ءجيى جانە ۇنەمى كۇتپەگەن جەردەن جۇرگىزىلەدى.

- وتكەن جىلى «نۇر وتان» پارتياسى تاماقتانۋ سالاسىنداعى كۇردەلى پروبلەمالاردى شەشۋ جانە اتا-انالار كوميتەتىنىڭ، اسحانانى جالعا الۋشىلاردىڭ، مەكتەپ اكىمدىگى مەن ءبىلىم بەرۋ باسقارماسىنىڭ ارەكەتتەرىن ۇيلەستىرۋ ءۇشىن «مەكتەپ اسحانالارى» جوباسىن ازىرلەدى. بۇگىنگى تاڭدا مەكتەپ جاسىنداعى بالالار اراسىندا اس قورىتۋ اعزالارىنىڭ اۋرۋلارى جيىلەپ كەتكەندىكتەن ول وسى پروبلەمانىڭ شەشىمىنە اينالۋى ءتيىس، - دەدى «نۇر وتان» پارتياسىنىڭ حاتشىسى يليا تەرەنچەنكو.

ونىڭ ايتۋىنشا، وتكەن جىلى پارتيا مەكتەپ اسحانالارىندا تىيىم سالىنعان تاماقتار ءتىزىمىن كەڭەيتۋگە قول جەتكىزگەن بولاتىن، ولار زاڭنان تىس: شۇجىقشا، شۇجىق ونىمدەرى، گامبۋرگەرلەر، سونداي-اق، جاساندى بوياعىشتارى، حوش يىستەندىرگىشتەر، ءدامدى كۇشەيتكىشتەر مەن تاتتىلەندىرگىشتەر بولىپ تابىلادى. 2018 جىلى جەلتوقساندا دەنساۋلىق مينيسترلىگى وسىنداي ونىمدەردىڭ جاڭارتىلعان ءتىزىمىن جاريالادى.

– الايدا بۇل تەك العاشقى قادام عانا بولاتىن. ءارى قاراي وسى نورمالار مەن تالاپتاردىڭ ساقتالۋىن قامتاماسىز ەتۋ ماڭىزدى. سوندىقتان ءبىزدىڭ ەكىنشى مىندەتىمىز – ەلىمىزدىڭ بارلىق ايماقتارىندا مونيتورينگىلەۋدىڭ سەنىمدى جۇيەسىن ۇيىمداستىرۋ، – دەدى پارتيا حاتشىسى.

Abai.kz