قاسىم-جومارت توقاەۆتىڭ توراعالىق ەتۋىمەن پارلامەنت سەناتىنىڭ وتىرىسى بولدى. سەناتورلار قازاقستان مەن تاجىكستان اراسىنداعى كوشى-قون سالاسىنداعى ۇكىمەتارالىق كەلىسىمدى راتيفيكاتسيالادى.

2018 جىلعى 14 ناۋرىزدا استانادا قول قويىلعان كەلىسىم كوشى-قون سالاسىنداعى ەكى ەل اراسىنداعى ىنتىماقتاستىقتىڭ قۇقىقتىق نەگىزدەرىن جاساۋعا باعىتتالعان. قۇجات كوشى-قون ۇدەرىستەرىن، پانا جانە ازاماتتىق ۇسىنۋ ءتارتىبىن، زاڭسىز كوشى-قونمەن كۇرەسۋدى ۇيىمداستىرۋدى رەتتەيتىن بولادى. كەلىسىمدەگى ءبىر تاراپ ازاماتتارىنىڭ ەكىنشى تاراپتىڭ ازاماتتىعىن قابىلداۋ تۋرالى اقپارات مەن مالىمەتتەردى ءوزارا الماسۋ قاراستىرىلادى. كەلىسىمگە قاتىسۋشىلار ەڭبەك رەسۋرستارىن تارتۋ سالاسىنداعى مەملەكەتتىك ورگاندار مەن شارۋاشىلىق سۋبەكتىلەرى اراسىنداعى ىنتىماقتاستىق بويىنشا مىندەتتەمەلەردى وزدەرىنە قابىلدايدى.

قازاقستان مەن تاجىكستان اراسىنداعى ادامداردىڭ رەادميسسياسى تۋرالى كەلىسىم جانە وسى كەلىسىمدى ىسكە اسىرۋ ءتارتىبى تۋرالى اتقارۋ حاتتاماسى راتيفيكاتسيالادى.

كەلىسىم جانە اتقارۋ حاتتاماسى مەملەكەتتەردىڭ اۋماعىنا ۇلتتىق زاڭنامانى بۇزا وتىرىپ كىرگەن نەمەسە وندا جۇرگەن ادامداردى مەملەكەتتەردىڭ قۇزىرەتتى ورگاندارىنىڭ بەرۋى جانە قابىلداۋى ماسەلەلەرى بويىنشا ۇكىمەتتەر اراسىنداعى ىنتىماقتاستىقتىڭ قۇقىقتىق نەگىزدەرىن جاساۋعا باعىتتالعان. مەملەكەتتەرىنىڭ اۋماعىنا كەلۋ، وندا  بولۋ نەمەسە تۇرۋ شارتتارىن ورىندامايتىن نەمەسە ورىنداۋدى توقتاتقان ادامداردى انىقتاۋ جانە ولاردى قاۋىپسىز، رەتتەپ قايتارۋ ءۇشىن ءتيىمدى راسىمدەردى ايقىندايدى، سونداي-اق وسىنداي ادامداردىڭ ترانزيتىنە ىقپال ەتەدى.

وتىرىستا قازاقستان مەن تاجىكستان اراسىنداعى قازاقستان رەسپۋبليكاسى ازاماتتارىنىڭ تاجىكستان رەسپۋبليكاسىنىڭ اۋماعىندا جانە تاجىكستان رەسپۋبليكاسى ازاماتتارىنىڭ قازاقستان رەسپۋبليكاسىنىڭ اۋماعىندا بولۋ ءتارتىبى تۋرالى ۇكىمەتارالىق كەلىسىم دە راتيفيكاتسيالاندى.

قۇجات ەكى ەل ازاماتتارىنىڭ باسقا تاراپتىڭ اۋماعىندا 30 كۇنگە دەيىنگى مەرزىمدە مىندەتتى تىركەۋسىز بولۋ، سونداي-اق مەملەكەتتىك شەكارادان وتكەننەن كەيىن مىندەتتى تىركەۋمەن 90 كۇنگە دەيىن بولۋ مۇمكىندىگىن قاراستىرادى.

سەناتورلار 2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتقا قىرعىز رەسپۋبليكاسىنىڭ قوسىلۋى تۋرالى شارتقا وزگەرىس ەنگىزۋ تۋرالى حاتتامانى راتيفيكاتسيالادى.

2014 جىلعى 29 مامىرداعى ەۋرازيالىق ەكونوميكالىق وداق تۋرالى شارتقا قىرعىز رەسپۋبليكاسىنىڭ قوسىلۋى تۋرالى شارتپەن قولدانىستاعى كەدەندىك اكەلۋ باجدارىنىڭ سومالارىن ءبولۋ نورماتيۆتەرىنىڭ مەرزىمىن 2018 جىلعى 12 تامىزعا دەيىن دەپ ايقىنداعان بولاتىن.

وسى حاتتامادا قولدانىستاعى كەدەندىك اكەلۋ باجدارىنىڭ سومالارىن (ارمەنيا رەسپۋبليكاسى – 1,220 %، بەلارۋس رەسپۋبليكاسى – 4,560 %، قازاقستان رەسپۋبليكاسى – 7,055 %، قىرعىز رەسپۋبليكاسى – 1,900 %، رەسەي فەدەراتسياسى – 85,265 %) ءبولۋ نورماتيۆتەرىن 2019 جىلعى 31 جەلتوقسانعا دەيىن ۇزارتۋ كوزدەلىپ وتىر.

وتىرىس بارىسىندا سەناتورلاردىڭ دەپۋتاتتىق ساۋالدارى جاريا ەتىلدى. دينار نوكەتاەۆا قانت ديابەتىمەن اۋىراتىن بالالاردى قولداۋ قاجەتتىگى; ءالي بەكتاەۆ اگرارلىق سالا ماماندارىن دايارلاۋ ماسەلەلەرىنە قاتىستى; ساۋلە ايتپاەۆا سالاماتتى ءومىر سالتىن ناسيحاتتاۋ تۋرالى; ەدىل مامىتبەكوۆ قارا جانە ءتۇستى مەتالداردى جيناۋدى رەتكە كەلتىرۋ تۋرالى ماسەلە كوتەردى.

قازاقستان رەسپۋبليكاسى پارلامەنتى
سەناتىنىڭ ءباسپاسوز قىزمەتى

Abai.kz