قازىنانى وزبەكستان ۇلتتىق ۋنيۆەرسيتەتىنىڭ عالىمدارى قازبا جۇمىستارى كەزىندە تاپقان. "عيمارات 1870 جىلى تۇرعىزىلعان. ونىڭ جەرتولەسىنىڭ استىندا تاعى ءبىر بولمە بارى انىقتالدى. وعان كىرەتىن ەسىك 80 جىل بۇرىن كومىلىپ قالىپ، قازىنا كوزدەن تاسادا ۇزاق جاتقان", - دەلىنگەن حابارلامادا.

كونە زاتتاردىڭ ىشىندە ەرەكشە ونەر تۋىندىلارى، التىن جانە كۇمىس مونەتالار، ءۇي جيھازدارى، XIX عاسىردىڭ ەسكى سۋرتتەرى مەن يكونالارى، باعالى مەتالداردان جاسالعان بۇيىمدار بار.

جادىگەرلەر اراسىندا 1918 جىلعى تاشكەنت سارايىنىڭ كنيازى رومانوۆ كوللەكتسيالارى، وتكەن عاسىردىڭ جيىرماسىنشى جىلدارى تاشكەنتكە ەۋروپادان، سانكت-پەتەربۋگتەن كەلگەن عالىمدار مەن اۋقاتتىلاردىڭ زاتتارى، ستاليندىك رەپرەسسيا قۇرباندارىنىڭ بۇيىمدارى، گەنەرال جورابەك ۇيىنەن جوعالعان زاتتار بار.

كونە مۇرالار اراسىنان XII - XVII عاسىرلارداعى تانىمال وزبەك ويشىلدارىنىڭ وسى ۋاقىتقا دەيىن جوعالعان دەپ سانالعان ونداعان قولجازبالارى شىقتى.

Abai.kz