بىلتىر 17 قاراشادا اۆتوبۋس پەن جۇك پويىزى ساراتوۆ وبلىسى وزينسك اۋدانىندا سوقتىعىسىپ، ناتيجەسىندە اۆتوبۋستاعى جەتى ادامنىڭ بەسەۋى قازا تاۋىپ، ەكەۋى، ونىڭ ىشىندە جۇرگىزۋشى اۋىر جاعدايدا اۋرۋحاناعا جەتكىزىلگەن. پوليتسيا 61 جاستاعى اۆتوبۋس جۇرگىزۋشىسىنە قارسى قىلمىستىق ءىس قوزعاعان.

«جۇرگىزۋشىگە رەسەيدىڭ قىلمىستىق كودەكسىنىڭ 264-باپ، 5-تارماعىنا سايكەس «جول ەرەجەسىن بۇزىپ، ەكى جانە ودان دا كوپ ادامنىڭ ولىمىنە اكەلدى» دەگەن ايىپپەن ءىس قوزعالدى»، – دەلىنگەن حابارلامادا.

جۇرگىزۋشى جەتى جىلعا دەيىن باس بوستاندىعىنان ايىرىلۋى مۇمكىن.

پوليتسيا مالىمەتىنشە، Kaessbohrer اۆتوبۋسىنىڭ جۇرگىزۋشىسى تۇماننان باعدارشامدى كورمەي، پويىز جولىنان ءوتىپ كەتپەك بولعان. بىراق ەسكەرتۋ دىبىسىنا قۇلاق اسپادى دەيدى.

Abai.kz